انا قلت مش هتكلم فى السياسه تانى .. علشان فى ناس حساسه فى البلد فبتزعل
وانا مبحبش ازعل حد .. علشان انا ميهونش عليا حد من القيادات العليا ينام معيط .. ولا يبات زعلان
لان انا قلبى كبير وبيساعى من الناس كتيييييييييييير
فلتكن فترات الصمت هى الفيصل بينى وبينكم
بس للأسف
لما الست رضوى صديقتى الصدوقه طلبت منى مقال ...
قلت مبدهاش بقه .. مكنتش عايزه احرمها من حاجه وبعدين قلتلها خدى من الكتابات القديمه نطلعلك مقال حلو كده شيك نلمعه
وننجره ونشيكه ونعيد تقديمه .. قالتلى لاااااااااااااااااااااااااااا
فكرت اكتب حاجه ( لجمالك يا سيدتى ) للجنس اللطيف
او مثلا اعمل كتاب على غرار لكى يا سيدتى
او كيف تهتمين بصحه طفلك
كيف تبسطى وتنعنشى زوجك
كيف ترحم زوجتك من غلاستك
ازاى تقدر تتعامل كويس مع البشر ( تنميه بشريه ) بتاعه ابراهيم الفقى هاى هيء
ازاى تخلى البنات تحبك بتاع هانى سلامه وسميه الخشاب
يعنى كان نفسى اغير النشاط .. بس مش عارفه بصيت يمين وشمال
لقيت جنبى مسرحيه كنت بقراها اسمها
Man of Destiny
للعبقرى
Bernard Shaw
انا مكنتش بقراها غلاسه على نفسى ولا غيره بس قصتها عجبتنى اووووووووووى
ايام زمان مكانش فى وجود لأمريكا .. وكانت فى ماما بريطانيا
بريطانيا زمان كانت قايمه بالظبط بدور امريكا دلوقتى
ابسطهالكو
يعنى زمان بريطانيا هيا اللى كانت بتؤمر وتنهى وكان على العالم كله بس انه يطيع
وهيا كمان اللى كانت بتغزو وتهاجم وتحارب وتأسر
وكانت التابع بتاعها فرنسا
المسرحيه بقه بتتكلم عن وضع بريطانيا وفرنسا ورغم ان المؤلف المسرحى برنارد شو من اصل بريطانى
ولكنه هاجم بريطانيا وتخلف سياستها من خلال مسرحيته ومعتمدش على السخريه من فرنسا فقط
فى المسرحيه بقه قال برنارد على لسان بطل مسرحيته نابوليون بونابرت كلام حلووووو اوووووووى
ينطبق على انجلترا وفرنسا ومصر وكل بلاد العالم .. لانه كلام يمس الشعب
بيقول :
بالبلدى كده : ان السلطه منخافش من الطبقه العليا ولا الطبقه الدنيا
لان الاتنين بعيدين تمام البعد عن الاخلاق والضمير
لان الطبقه الدنيا تحت مستوى الأخلاق
والطبقه العليا فوق مستوى الاخلاق
ولكن الخطر الحقيقى يكمن فى الطبقه الوسطى لانها طبقه مثقفه وحالمه ومتطلعه
علشان كده بقه يا اخوانا مبنلاقيش مثلا فى ذات مره حكومتنا المبجله هنا فى مصر قبضت على بياع سريح بيبيع طماطم
ولا واحد سارح بترمس
وفى نفس الوقت مبتقبضش على واحد مليونير او من الحيتان الكبار
لكن بتتشطر على مين بقه ؟؟؟؟؟؟؟؟؟؟
صاحب محل غلبان
طالب فى جامعه غلبان
موظف مطحون غلبان
يعنى من الاخر حكومتنا هنا دلوقتى بتعمل كل اللى بريطانيا كانت بتعمله من حوالى 100 سنه واكتر
الله عليكى يا مصر
دايما فى المؤخره .. بتطبق كل النظريات والاستراتيجيات بعدها بسنييييييييييييييييييييين
والغريب انها ثبتت فشلها فى الدول الاوروبيه
ولكن فشلت علشان الشعب حررررررررر
مش زينا يعنى ...
يلا بقه ورزقى ورزقكو على الله
رضوى اللى قالتلى اكتب
اناا ماليش دعوه
8 comments:
كويس ان رضوى خلتك تكتبى
طيب مقولتيش ايه اللى سحب الدور من بريطانيا يعنى
وبعدين مصر لو سمحتى دوله ذات رياده ورياله ايه اللى مزعلنا احنا هى مش بلدنا هى بتاعتهم صدقينى
وبعدين والله بيقبضوا على البياعين انزلى العتبه وانتى تشوفى
منورانى يا فندم
بس لالالالالا من فضلك
اللى بيقبضو عليهم فى العتبه يا سيدتى الفاضله دول بقه بيقبضو عليهم لاسباب تخص البلديه يعنى الى حد ما شرعيه شويه
انما انا بتكلم على اللى بيتقبض عليهم كده علشان اللهم احفظنا سيكو سيكو امن دوله يعنى
اما بقه اللى سحب الدور من بريطانيا ان امريكا فاقت وعملت ثورات وحوارات يعنى هما عالم مخلصه .. عرفو يسحبو الدور من بريطانيا مش زى خيبتنا احنا
اخرنا نعرف نجيب صفر المونديال
يلا يا اووختى محدش واخد منها حاجه
انا ماليش دعوه
ده هم اللي قالولي
هم مش بيقبضوا عليهم وبس
هم حاليا بيحاولو انهم يقضوا علي الطبقه المتوسطه عشان خلاص تبقي مش موجوده ويريحوا دماغهم بقي
هي مؤخرة بصراحة :)
مين قلك ان شعبنا مش حر
ده حر وبرد وخريف وكل حاجة
حر جدا في طوابير العيش من حقك تقتل اي مواطن عشان وقف قدامك والحكومة بتنبسط ع الاخر عشان تخلص من العجن الي في البلد
من حقك تسب مليون ملة ودين وانت في طابور المعاشات او التأمينات طالما مش عايز تدفع فردة للموظف الي مرزوع علي تيت ام الكرسي عشان يخلصلك شغلك
بدل متديلة فردة جزمة علي وشه عشان مقصر لا اديلة فردة بكسر الفاء
الشعب حر في الأنتخابات
اه مش مصدقاني
لا حر في انه ميروحش ينتخب اصلا
والنتيجة تطلع فن يا معنمي ولا يتعب المواطن نفسه ولا حاجة
حر في مناهجة الدراسية
ادرس علي اد ما تقدر يا مواطن عشان هتشتغل حاجة غير الي كنت بتحبها وغير الي كنت بتدرسها كمان
شفتي انك مفترية انتي وبرنارد شو
يا سلام والله مفيش كلام اكتر من كدا يتقال والله
بس والنبى خلى بالكوأن الطبقه المتوسطه اللى هيا بتاعتنا كلنا دى
خلاص قربت تريحهم كلهم وتنقرض او يمكن باين عليها انقرضت ومش واخدين بالنا
بس يا خساره هيغلسوا على مين تانى
احنا نروح نعمل جمهوريه لوحدنا يمكن.....
اسراء حبى ازيك وحشانى جدا بقالى كتير مشفتش كومنتاتك
المهم انتى معاكى حق هما خلاص بيقضو عليها
او بمعنى اصح علينا احنا
الاستاذ تامر :
تصدق انا فعلا اقتنعت ان انا وبرنارد شو مفتريين ههههههههههه
بس تصدق انت معاك حق لأن العيب فينا احنا
Wander land :
احنا بالفعل بننقرض
او على الأقل صوتنا بيروح ومبقاش عندنا مقاومه ولا بقى عندنا حيل نتكلم
احنا اللى هنريحهم مننا على رأيك
منوراااااااااانى
Post a Comment