على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب
مش عارفه ليه حسيت اننا محتاجين نسمع الكلمتين دول
يعنى على اساس ان اللى بنسمعه كل يوم عن بلدنا الحبيبه
ممكن يخلينا نكرهها ده على اعتبار انها أمنا .. او حتى بنت خالتنا
ولكن فعلا بنلاقى نفسنا مش بنكرهها
ولا بنعرف حتى ننساها لو اتغربنا وبعدنا
فقلت أكيد فى سبب
واتعجبت واندهشت واستغربت وبرقت وتنحت
فإذا بصلاح جاهين يجيب سؤالى
ويهدأ حيرتى
ويجد لى ضالتى المنشوده
وقدرت استخلص من ( على اسم مصر ) حاجات كتير
اهمها واولها واخرها : اننا مينفعش نعمل حاجه الا اننا
نحــــــــــ مصرـــــــــــــــــب
6 comments:
أصل دي مصر
هنعمل ايه يعني
هي كده
رغم كل حاجه بتحصل فبها ماتملكيش غير انك تحبيها
والله يا جميل ليكى وحشه فعلا
انا سعيده بموضوعى علشان شرفتينى بالرد فيه
وعلى رأيك هيا ديه مصر
منوراااااانى
فكرتيتي بمتقولش اخدنا ايه من مصر
قول هاندي ايه لمصر
هوا فعلا مينفعش نعمل حاجه
غير ان احنا نحبها
معاكى حق يا ميويا
الا قوليلى بقه ناويه تعملى ايه لمصر ؟؟
yah kafara awalan sanyan yaret terga3y tkteby 3alatol salsan hwa e7na kan wadana fe dahya 3'er en e7na bn7eb kol rokn feha we kol 7aba men torab aradeha
الاقي فين الديوان ده كامل
Post a Comment