أوقات كتير ضيعتهم على ناس كتير عرفتهم
بس العبث انى خلاص معرفهمش دلوقتى
وحاجات كتير فهمتهم... لو قلتهم
هيبقى تضيع للشوية الصغنتتين اللى فاضلين من وقتى
قريت الكلمتين دول فى الدستور من هنا .. وحسيت انى سافرت وسرحت كدة وبصيت للسقف زى ما يكون هيغششنى مثلا
بس مبصتش على السقف وسرحانة علشان فى حالة حب لا سمح الله وبستمد من السقف العون زى افلام زمان
بصيت علشان اعد كام مرة عرفت ناس وسبتهم ؟؟
كام مرة عرفت حد وحبيتة وفى الاخر دلوقتى معرفش حتى ساكن فين ؟؟
كام مرة كان ليا صحاب حلوين اوى وسيبنا بعض ؟؟ سيبنا بعض مش علشان هما مش كويسين ولا علشان انا غبية
وبكرة صحابى او باكلهم زى مليجى اخو اوشه لا علشان هيا دية الحياة
كام حاجة فهمتها وصدمتنى ؟
وكام حاجة ندمت انى فهمتها وكان نفسى ابقى عبيطة ؟
فضلت سرحانة كتير بفكر فى وقت ضيعتة ومحستش بية .. وفرص راحت منى مش عارفة اعوضها
فقت على صوت الحاج مدحت صالح الله يكرمة زى ما يكون كان متسلط عليا مثلا ومعرفش مين المؤذى اللى شغلة
واكيد حد من المجاريح جيرانى .. اصلنا شارع رومانسى وعاطفى شوية
اهو مدحت بية باشا صالح كان بيقول بقة اية
اقفل على قلبك كفايا تجرحة
وتعلقة بحبال امانى تطوحة
من النهاردة الحلم مش هيفرحة
ارجووووووووووك متحلمشى
كنت هاصوت ساعتها واقول ارجوووووووووووكم اقفلو الكاسيت .. وفجأة لقيت نفسى بسرح تانى وبنتقل لمكان تانى بالذاكرة
بفكر وبقول .. ياترى كام مرة حلمت ولما حلمت حققت ولا لا ؟؟
رجعت بالذاكرة 15 سنة لورا .. لما دخلت المدرسة كنت طفلة فى منتهى الرخامة .. عندية جدا وعصبية جدا وشقية جدا
بس كنت ذكية ودمى خفيف والفترة دية مكانش ليا احلام علشان كنت بحقق كل اللى نفسى فية قبل ما احلمة
ولما كبرت وبقيت فى الابتدائية حلمت ادخل كلية هندسة ومش اى قسم لا مدنى كمان واتصدمت باول حقيقة وهيا ان مفيش هندسة
بنات فى الازهر .. المهم دخلت علمى وذاكرت وجبت اللهم لا ار ولا حسد 95 % فى الثانوية الازهرية وكانت وقتها الهندسة فتحت
للبنات .. بس للحظ السعيد خدت من 95.2 % دة بمناسبة انى فقر حبتين ودخلت ترجمة فورية رغم انى مبحبهاش الا انى تقبلتها
وهيا بمثابة الكابوس .. حاولت احولة لحلم جميل .. وبردو لحد دلوقتى معرفتش
ابتداء من 3 ثانوى بدأت افهم واحس يعنى اية حلم .. ويعنى اية ميتحققش ؟ ويعنى اية انك تصحى من حلمك على كابوس
وسالت نفسى سؤال مهم اوووى ... هو انا كنت بحلم علشان احقق الحلم ولا علشان اهرب من الواقع ؟؟
ملقتش اجابة غير انى ابص حواليا اقرأ اى حاجة علشان اخرج من موود السرحان بقة وشغل الحبيبة اللى يشل دة .. المهم بصيت جنبى لقيت كشكول محاضرات .. قلت اهو الفرج جة اهو .. اذاكرلى كلمتين
بفتح لقيت فى اول صفحة عمنا صلاح جاهين .. وزى ما يكون اتفق مع الحاج مدحت صالح والمعلم خالد كساب بتاع الدستور علشان
يعملولى احلى امسية نكد عشتها فى تاريخ حياتى ... وفجأة ومن غير اى مقدمات لقيت كلام صلاح جاهين بخطى فى كشكولى بيقول
ياما صادفت ناس ومصاحبتهمش
وكاسات خمور وشراب ومشربتهمش
اندم على الفرص اللى سبتهم ولا اللى مسبتهمش
الله الله الله .. دخلنى عم جاهيين على منطقة تالتة خالص وسرحت فيها .. وكل مرة بسرح بيكون البطل هو السقف .. انا الحاجة المشتركة
انا والسقف بنتكرر مع كل سرحة من السرحات اللى بسرحهم
المرة دية بقة مفكرتش فى كاسات الخمور والشراب ولا الكابتشينو علشان مبحبوش ولا الحاجات دية كلها
لا .. فكرت فى حياتى كمجمل .. فى اية اندم علية ؟؟ وفى اية مندمش علية
طيب لو ندمت اندم لية ؟؟ ولو مندمتش ابقى مبحسش ولا اية ؟ ولو فكرت ابقى بتعب نفسى ولو كبرت ابقى سلبية وبضيع نفسى
طيب هو انا عايزة اية ؟؟ ومش عايزة حاجة لية ؟؟
صلاح جاهين عايز منى اية .. والجيران فتحوا الاغنية دية لية ؟؟ وياترى اللى فاتحها فاتحها علشان بتلمس جواة حاجة
ولا فاتحها نوع من انواع الغلاسة او انة عايز يسمع فيرجينيا جارتة اللى بيحبها انة بيسمع اغانى وواد كوول
وخالد كساب هو كمان كتب كدة فى المقال لية ؟؟ مش عارف ان فى ناس معقدين دماغهم مبتسكتش هيقروا الدستور
انا اية اللى خلانى اشترى الدستور؟؟ اية الى خلانى اعرف الجيران اساسا
واية اللى خلانى افتح كشكول المحاضرات .. او اية الى خلانى اكتب الرباعية دية فية زمان
وعلشان اخرج من كل الاوهام دية كلها .. وعلشان اريح دماغى اللى تعبت من التفكير قررت ان دية تكون اخر طلعة سرحان اسرحها اليوم دة ففكرت فى حل هايل
قمت طفيت النور .. ونممممممممت
ومعرفش انا نمت علشان احلم .. ولا علشان اهرب من الحلم .. ولا لية بالظبط
بس الحمد لله صحيت فاكرة كل كلمة وعلى غير العادة .. فقررت اسجل اللحظة دية علشان مش هنساها
25 comments:
أنا اول واد يعمل كومنت على البوست ده عموما حياتنا يا مارى مبنعشهاش غير مرة واحدة وحلمنا هو الشىء الوحيد اللى تقدرى تعمليه من غير محد يتدخل فيه
بصى يا مريوم احلمى اتنططى اعملى كل حاجه فى الدنيا بس اوعى تيأسى او تبطلى حلم احلمى عشان تبقى
لان الة الزمن اللى بتنقلنا للامام هى احلامنا
اشوفك قريب يا مريم وهاتيلى سماعة تليفون معاكى متنسيش
عارف يا بيبو لما بسمع محمد منير وهو بيقول لو بطلنا نحلم نموت
بقول اية الراجل اللى جاى من زمن الفن الجميل ومش هارش التيتة دة
ما احنا كدة كدة يا عم الحاج ميتين اهو
دلوقتى هبتدى احس ان انت فى لوف ستورى علشان شايف الحياة بمبى وبتاع .. فاكر ولا مش فاكر لوف ستورى دية
hi Ramty ya 7bibty el 7lm 7aga 7elwa 2wy we 5sosan fe el zrof eli e7na 3ishainha lo ma 7ilmnash hanteganin el moshkla fel 7agat eli betfhahmiha we bet3'irlk 7iatk lama tefhmiha 2o bet3'ir kiim fe 7iatk konty fakra enha sa7 we tetsadmi lama tefhamiha di fe3lan el 7aga eli sa3ba bas el 7elm dah kois we ebn nas kifaia enoh bi3ishk we lo lel la7zat sa3ida 7atta lo 2albet be nakd bas kifaia en lazat fe 7iatk konti as3ad wa7da fel donia .ah bel nesba lel el kabitshino hwa el kabitshino beta3na wala 2ersh el kabitshino:P asl 3m salah jahin magbsh sirtoh fakont bat2ked bas :P:P:P.take it easy dear or u will lose ur mind if u don't till now :D.
بصى يا ستى الاحلام دى هى الدينامو بتاع الحياه ولو محلمناش يبقى هنعيشى ليه لان اساسا لذه الحياه مكتسبه من انك تحلمى حلم وتحولى تحققيه ولو حققتيه تبقى سعيده جدا ولو محصلش تزعلى شويه وبعد كده تدورى على حلم نانى وهكذا زى الصياد بيرمى السناره شويه ويطلعها لو جابت سمك بيفرح اوى ولو مجابتش بيزعل شويه بس عمره ما هيبطل يرمى السناره فى المايه
اما بالنسبه للحاجات اللى بتحصل ورا بعضها زى الدستور والجران وصلاح كل الحجات دى مابتحصلش بالصدفه بس ما يطلق عليه ترتيبات القدر يعنى لما بتحصل اى حاجه دى مش صدفه بس دى اكيد حاجه كان لازم تتعلميها دلوقتى يعنى مثلا لو ريحه مكان وتاخرتى عن معادك نص ساعه كل اللى هاتقبليه فى طريقك وانتى ماشيه مكنتيش هاتشفيه لو رحتى فى معادك يبقى ربنا اخرك علشان فى حاجات كان لازم تشوفيه بس مفيش صدف ومع السلام عليكم
يااااااااه ايه ده.
علي فكره انت عندك حق في حاجات كتير قلتيها, وخصوصا الأغاني اللي بتخترق كل حاجه عشان تلمس حاجه جوه الانسان, معرفش بتيجي منين, وهي يعني قصدانا احنا ولا ايه؟
يالا انا همشي بقي عشان أروح أسرح وأفكر في الموضوع ده.
أنا ايه بقي اللي خلاني اعرفك اصلا :D
ناهينا عن رقبتي اللي اتلوحت وانا كل شوية عمال اطططططلع معاكي وابص فوق وشكل المروحة البيضة اللي متعلقة في السقف ومنظرها وهي بتلف وبتقطع مساحة التفكير والبصصان بمزيد من السرحان بس مع قليل من الزغللة
وناهينا عن كل عناصر الحياة اللي تضافرت وتعانقت عشان تنكد عليكي واللي غالباً قد أكون أكيداً اني انا اللي مسلطهم عليكي
وناهينا عن الخمور وفرجينيا والدستور.. ايه ده حلو الإسم ده والله دانا كنت بادور علي عنوان احطه علي مقالة تعديل الدستور :D
شكرا يا راما
المهم، رامرومة انت لازلتِ صغيرة علي كل هذا السرحان يا عزيزتي أووولجا
الحياة كده يا ميرو عادي حاجات كتير ملغبطة ومفعكشة وصعب اوي ان الواحد يسيب دماغه تلف وتدور فيها .. اه نقيم نفسنا اه نبص علي اللي فاتنا لكن صدقيني صعب أوي اننا ننكد علي نفسنا عشان مجرد حاجات عدت وفاتت مننا
مش عارف انا عشان الحمد لله وبعد فترة مش قليلة مرتاح نفسياً وهادي ولطيف فبقول كده ولا هي دي الحقيقة
لكن انا اللي اعرفه وبصفتك تلموذة ازهرية احب اقولك إن الشيطان يا رمرومة بيضخم امور الدنيا في عقل بني آدم خمسين مرة وبيهون أمور الآخرة في عقله خمسين مرة برضه
متسيبيش نفسك لدماغك ولتفكيرك كتير ومتخليش شيطانك يغلبك عشان انا كتير اوي باشوفك بتقولي انا فقرية انا مش عارف ايه انا متضايقة شوية وهكذا.. صدقيني لو احسنت الظن في الله وابتسمت للحياة كده حتي ولو بتاخدي علي قفاكي كل يوم الصبح وانت نازلة من سلم بيتكم
صدقيني اكيد في يوم من الأيام هتمسكي الإيد اللي بتضربك وتكسريها...
نصيحة مني لغاية ما تقدري تمسكي الإيد دي وتكسريها... إصحي بدري وانزلي وفوتي علي اللي بيضربك ميعاد الضرب
:) تحياتي
allah allah 3liky ya mariam ana ba7b elmodwna dih gedan
kol post agmal men eltany
we kol post ysthl elkra2a akter men mara
tahiatshy liky
شوفى يا سارة انا عارفة ان انتى بتحبى اغنية سكر حلوة الدنيا سكر :D
عارفاكى رومانسية وطيبة وحالمة طول عمرك .. هتفرسينى بتاتش الحنية اللى جالك فجاة دة يا سوسكا
يا غلباوى
هيا صدف وقدر محدش اعترض .. بس تخيل لما تجمع الصدف دة كلة يتجمع على واحدة غلبانة زيى .. وكئيبة بالفطرة زيى
يعنى صباح الاحباط
شكرا على رايك
اسراء
الاغانى دية ساعات ممكن تحدد مودك .. وتخليكى حاسة ان القدر مرتبلك كوكتيل قهر .. بتحصل معايا فى المواصلات كتير . لدرجة ببقى عايزة اعيط واقول كفايا
خلاااااص انا ممتاسفة للكل
عززززززز
صديقى الصدوق المذيع عززززززز
والله بالنسبة لسؤال انا عرفتك لية دة ممكن تقول كدة قدر .. نصيب
او ممكن تقول صدفة حسنة من شخص مبيعملش حسنة وانت اكيد فاهمنى
اما بقة بخصوص الكلام اللى كاتباة فانت عارفنى انى حتى لما مودى بيكون احباط احباط بردو بكون متفائلة فى عز احباطى مش عز انت
اما بخصوص الايد اللى عايزنى اكسرها اوعدك اول ما انزل من بيتنا فى معاد ثابت بدرى كان او متاخر فانا هاكسر الايد .. والرجل اللى تتمد عليا
دة اصلا لو حد جرؤ ومد اى حاجة اساسا
ميمو
والله رايك فيا دة من زوقك .. وربنا يبارك فيكى يا رب ..
كن جميلا ترى الوجود جميلا علشان كدة انتى شايفة ان البلوج جميلة
بجد مش ممكن البوست دى
لما كل حاجه تتجمع مع بعض يطلع موضوع ذى ده
موضوعك فكرنى بناس كتير كانوا اصحابى فعلا
ناس منهم معرفش راحوا فين و ناس اعرف مكانهم بس مفيش اى اتصال بينا و ناس بيبقى فيه اتصال كل فين و فين
بس حتى فى الاتصال مبكونش حاسس ان هو ده صاحبى
يمكن ده طبع الانسان
حياته محطات , مش شرط كل صديق يركب معاكى من نفس المحطه و ينزل برضه معاكى
اكيد بيكون فى لحظه فراق فى الدنيا
يلا
هقوم انام انا بقا
بالمناسبه مدونه رائعه جدا يا راما
السلام عليكم
بجد مش ممكن البوست دى
لما كل حاجه تتجمع مع بعض يطلع موضوع ذى ده
موضوعك فكرنى بناس كتير كانوا اصحابى فعلا
ناس منهم معرفش راحوا فين و ناس اعرف مكانهم بس مفيش اى اتصال بينا و ناس بيبقى فيه اتصال كل فين و فين
بس حتى فى الاتصال مبكونش حاسس ان هو ده صاحبى
يمكن ده طبع الانسان
حياته محطات , مش شرط كل صديق يركب معاكى من نفس المحطه و ينزل برضه معاكى
اكيد بيكون فى لحظه فراق فى الدنيا
يلا
هقوم انام انا بقا
بالمناسبه مدونه رائعه جدا يا راما
السلام عليكم
بجد مقتطفات هايلة
واعتقد كتير منا ممكن يسرح معاها ويحلم فيها .. او علي الاقل انا كمان
كل يوم بتثبتيلي مقدرتك في التعبير والاحباط يا مريوم هانم:)
بوست اكتر من رائع فعلا
طريقة عرض واسلوب سهلة خلتيني احس اني معاكي في وسط الاوضة وااقلك فوقي تعبتينا يا بنتي من احباطتاتك
سيري يا نورماندي على بركة الله:))
كلمة على الماشي
وحشتيني جدا جدا انتي وبقيت الناس المجانين
ليا يوم والماسنجر يتعدل ويفتح
صحيح يا مريم هي ايه حكاية المذيع عز !!
هو قلب مذيع من امتى يا ختي؟؟
عز ياريت ترد عليا لو موجود
ميرسى يا طمطومتى على ردك الجميل
اما بالنسبه لعز المذيع بقى مذيع من فتره عقبال املتك
على اذاعه حريتنا على النت
اما بخصوص وحشناكى ديه فانتى اساسا بكاشه وندله
بس بردو لينا يوم نتقابل واقتلك
والله ما بكاشة ولا ندلة انتم فعلا وحشيني
بس حالتي النفسية زبالة اوي والماسنجر عامل عمايله معايا ومن الاخر مش طايقة نفسي
يلا اهشي من هناولا ااقلك اهشي انا
انا رايحة بيتي يا ختي ابقي زوريني هناك
:))
عجبني الأسلوب
فكرتيني بنفسي في سرحاني بس أنا بسرح في حاجات كتير مش بس في السقف عشان أنا ولد لكن أعتقد ان مفيش بنت بتسرح برا بيتهم
عمري ما شفتها
سلااااااااااااااام
ههههههههههه
أنا بضحك مبدأيا كدة علشان كنت فاكر لقيت كنز محدش من معارفى يعرفوا
بس أتضح إنى جيت متأخر
ميمو
وإسراء
سبقونى لية
عادى بقة
المهم كلامك جميل بجد
البوست مع إنوا طويل عكس صبرى
إلا أنى قريتوا للآخر
غريبة
عادى برضوا
بجد كلامك عجبنى جدا
وعادى بقة
أودى
Ladies love fashion jewelry. uggs outlet Just like in America, Europeans wear all styles of clothes and it varies from country to country. north face Komen for the Cure Advocacy Alliance, Komen's national advocacy organization. ghd pink limited edition If you can compete in your school then you can also compete in the fashion world. north face Check out the J-Crew "Paley pant in pinstripe Super 120s" in navy or black.
Continuing students will also have the opportunity to choose a dorm room on a first-come, first served basis. ugg Rebellious since childhood, Afshan refused to conform to the familial career assigning. http://www.lateuggboots.com For the most part this is true, as these stores are some of the only places where people who may have financial challenges can go to shop. north face backpacks Accel Partners,Alex Zubillaga and Venrex also participated. ghd straighteners Interesting and trendy add-ons along with fresh paint hues are usually not a tremendous purchase as well as simple to improve out and about when you get tired individuals as well as would like to try the modern style..
Yamamoto has sited as an influence photographer August Sander and his project of documenting the poor everyman; the Arte Povera art movement of the 1960s also embraced the art of everyday living and the rejection of everything shiny and new as representative of The Establishment.. http://www.fitghdhair.com Nazrul Islam. http://www.morenorthface.com When I watched him compete, I got goose bumps.. ugg There also our live player here, which broadcasts when the shows do. north face uk I was worried when I turned 50 a few years ago.
Post a Comment