هل المرأة الجميلة المثقفة .. المستقلة ماديا .. الناجحة علميا والتى تجذب بذكاء شخصيتها وعمق حديثها القلوب
والعقول فتهفو حولها .. سعيدة ؟؟
هل المرأة التى نشأت فتاة متمردة لها شخصية مستقلة ترفض التقليد وترفض ان تسمعالراى فتتبعة وتؤمن بالراى
فتتبعة ولو اغضب
الجميع .. سعيدة؟؟
هل المرأة التى تزهو بذكاءها وشخصيتها اكثر مما تزهو بجمالها .. ورقتها .. سعيدة ؟؟ هل المرأة التى تصبح اينما
توجهت قبلة الانظار
ومحل القبول والرفض .. سعيد ة؟؟
البعض يرفعها الى مقام عال من الخلق والرصانة والفهم .. والبعض ينزل بها الى مرتبة التمرد الذى يقترب من الجنون
هل هى سعيدة كافأتها السماء بصفات تحلم بها اغلب النساء ...ام انزلت عليها عقابها بان جعلتها ذات طابع منفرد
وغريب ؟؟
لا تحسدوا تلك المرأة فهى تعيش ازمة نفسية وعاطفية مستعصية ..فمن الصعب ان تجد بين االرجال من يبهرها
بشخصيتة ويغريها على
السكون الى جوارة بعمق ونضج عاطفتة .. لتعطية اثمن ما تملك وهو ( قلبها ) وتحتفظ بالاثمن (عقلها ) م
من الصعب ان يسترضيها احد .. او يرغمها احد على فعل ما تفعلة غيرها من النساء بكامل الرضا
فهل بعد كل هذا هى سعيدة ام تعيسة ؟؟
تحسدوها بقة ولا تشفقوا عليها ؟؟
14 comments:
ياااااااه مع كامل أحترامي ليكي يافندم بس هي المرأه دي اللي بتتكلمي عنها من كوكب الارض؟؟؟ أصلي بدور عليها من قرون فاتت و للأسف كان دايما البحث بيوصل ل حاره سد
لأ انت بس ادينى سنك ومواصفاتك وانا اجيبهالك لحد عندك .
انا عندى منها 2 او 3 والعرض محدود حتى نفاذ الكمية
ولا تقولى لية مواصفاتك انا اقوم اكلمك اعرف منك اسهل
الفكره مش نحسدها ولا لا الفكره فى انها اقدمها حل من اتنين الاول انها تفضل تدور عن واحد زيها وغالبا لما تلاقيه بصعوبه طبعا هيكون هو خد الحل التانى وانو يدور على واحده دماغها فاضيه وتكاد تكون مبتعرفش حاجه فى دنيتها الا الموضه واللبس والمظهر وكدا يعنى وهيفضلو هما الاتنين يلفو فى الحلقه المقفوله للنهايه
وسألى مجرب
يا غلباوى بية
انت معاك حق هما حل من اتنين
هيا اكيد لازم تروح تدور على واحد بجل فى شعرة ومبلط فى الديسكو
اما انا لو مكانها افضل انى ابقى طول عمرى بدور على انى ادفن نفسى مع حد بالوصف دة .. او انى ابيع دماغى بالسهولة دية
يافندم الموضوع مش بيع دماغ بس يمكن هو تكامل بمعنى ادق يا اما لما يرتبط بواحده تافهة هو هايبقى تافه بالتبعيه او هى هتبداء تفكر زيو وهكذا ميبقاش بيع دماغ يبقى انتقال بامجتمع يا اما الى التفاهة او الى التفكير بعيد عن السامعين
تصدق فكرة
حلوة قصة التكامل دية عجبتنى اوى
اهو كمان لما نخلف عيال ميبقوش معقدين ولا هايفين هيبقوامخلطين ..هههه
فكرة كويسة يععنى مثلا انا اعلمهم التفكير وابوهم يعلمهم الهيافة
تصدق احنا فعلا مفتقدين شوية هيافة علشان نعرف نعيش والله
البلد والدنيا عايزين كدة لية منعوزش احنا كمان
المشكلة مش انها مش لاقية حد يرضيها
المشكلة ان الطرف التاني مش بيحبها كده عايز هو اللي يكون احسن منها
حتى لو هو بيحلم بواحدة جميلة وذكية وليها شغلها واستقلالها المادي و و و
حتلاقيه عند نقطة معينة بيقولك مثلا مستقلة ماديا بس انا اللي بكون باخد فلوس اكتر منها
لو معاها ماجيستير هو معاه دكتوراه عمرها ماتحصل العكس..وانا متأكدة من الكلام ده مفيش راجل يحب تكون الانسانة اللي بيرتبط بيها احسن منه ابدا
يا أخت مريم يا آنسه احباط
اللى ظاهر ليا من الكلام انها قد تكون من اللى بيستخسروا نفسهم فى الحب
أو تكون لسه مقابلتش اللى يستاهلها
ومفيش مانع من انها تكون معقدة
وفى كل الحالات هى تستحق الشفقه
مفترى أنا صح؟
على رايك يا ريما يا اختى والله دول اساسا جنس مفترى ومبيريحش ابداااااااااا
ماس اوبتك
صديقى الصدوق .. انت يا دكتور دائما مفترى .. مش جديدة يعنى
بهزر معاك .. لا بجد رايك ممكن يكون صح .. واحتمال كبير كمان لية لا ..
امال انا بعمل استفتاء لية مش علشان اعرف اراء الجميع
ربنا يخليك للغلابة والمعقدين يا دكتور
اشفق على الاتنين
وخير الامور الوسط
وان اكرمكم عند الله اتقاكم
فلابد ان تكون فيها من الصفتين
حتى نستطيع ان نحسدها
:)
بوست حلو
مريم
بدوسي على الجرح دايما وفي اوقات رخمة الصراحة :)
المهم ياستي
والله يامريم المشكلة كلها بتدور حوالين دماغها بمعنى انها انسانة ربنا انعم عليها بالعقل والمجتمع بينظر لها نظرة الشفقة وانها انسانة منكوبة
على سبيل المثال بتكلم مرة صديق فبيقولي دلوقتي حيقوله عليا بقلده وجيبت البدلة بتاعته !! قلتله هو في حد بياخد باله من البدلة للدرجة دي قالي كل البنات !!مش حكدب عليكي يا مريم انا اتصدمت انا فعلا ماكنتش اتوقع ان في حد بياخد باله من حكاية البدل او اللبس عموما
جايز عشان انا بيهمني دماغ الانسان اكتر من لبسه او لما بتفرج على فيلم بحلله من ناحية مضمونه والاداء التمثيلي والديكور والاضاءة و الرسالة اللي الفيلم عايز يوصلها بغض النظر عن كون الممثل لابس بدلة شكلها ازاي ولا البطله لبست كام فستان
طبعا ده غير المناقشات اللي بتتقلب عيب ولا مسموح في لحظة ده لأنك بتتناقشي فيها واصبحت لا محترمة
لكن لو بتتكلمي عن ميكب ولبس وتهيس فانتي بنت محترمة طالما مش بتشغلي عقلك وبتتناقشي في حاجة
يابنتي احنا اللي زينا لا يتكلم في سياسة عشان ده تمرد ولا يتكلم في دين عشان ده عيب وياريت لو متتكلميش في علم لأن ده غير مسموح
صدقيني المرأة دي لا تحسد على العقل طالما هي في مجتمع لا يقدر العقل ،اللي زينا يا ماما يتعملهم مجتمع زي مجتمع مريم المثالي نعيش فيه
انا مش عارف انتم مصعبين الامور كدة لية مريم خدى الامور ببساطة الدنيا فيها من كل شكل ولون بالبدى يعنى على عينيك ياتاجر كل واحد يخد الحاجة اللى تناسبة واللى غير كدة يسبها
عارفة لو كل البشر زى بعض فى كل حاجة ما كنشى حد قدر يعيش وكان انقرض الانسان
تحياتى
good plog ya mariem
Post a Comment