كلنا اتفرجنا على فيلم جاءنا البيان التالى
لما وقف محمد هنيدى فى النشره المدرسيه يقول ...أعلنت امريكا أمس احتلالها لقاره افريقيا وجزء من اسياوفى امريكان بيخلصو دلوقتى فى اوروبا وانا بتكلم معاكو فماما لما عرفت استغربت
وقالت لبابا : ايه يا عدوى هيا امريكا هتتدخلفى شؤن الناس اكتر من كده ؟؟
قام رد بابا وقال : يا فوزيه عليا الطلاق منك امريكا بتستهبل
فيا جماعه عايزين كلنا نقوم بمظاهره بعد الفسحه قبل ما ماما تطلق مظاهره مظاهره مظاهره
فيا جماعه عايزين كلنا نقوم بمظاهره بعد الفسحه قبل ما ماما تطلق مظاهره مظاهره مظاهره
قام الناظر سأله امك قالت لأبوك ايه ؟؟
قاله : قالت : خلينا فى موضوعنا يا عدوى هتاكل مكرونه ولا بتنجان ؟؟..................................................
الموقف يبان كوميدى اكتر من المألوف .. والضحك على
ودنه .. بس محدش فكر ايه معنى الكلام ده ؟؟؟
طيب حد سأل هو ايه العلاقه يا مريم اساسا ؟؟
انا شايفه حد رخم بيسأل ....
اجاوبه :دلوقتى لما محمد هنيدى طلب يعملو مظاهره .. ايه اللى حصل ؟
سمعنا هتاف الطلبه .. بس لما الناظر وقف بالعصايه ايه اللى حصل ؟
مد محمد هنيدى والاصوات اتكتمت ...
وبالنسبه للام والاب .. فوزيه هتعشى عدوى ... وعدوى هيروق الأنانى وهياكل وهينام وكده خلصت ..
ولا فوزيه ولا عدوى ولا محمد هنيدى ولا الطلبه ليهم دور
طيب هيجى نفس الواحد الاولانى يسألنى سؤال تانى ويقولى لخصى .. احنا مالنا ..هارد على الخنيق ده
واقوله اتك على الصبر
دلوقتى احنا والحكومه بنلعب لعبه فوزيه وعدوى ومحمد هنيدى والناظر....
كل يوم ناخد على دماغنا .. ونقول هنعمل اضراب .. مظاهره .. مقاطعه حتى بندن فى مالطه والله يا اخوانا محدش لا بيهتم ولا بيسأل وكله كلام فى كلام طق حنك زى ما بيقولو ..
بالظبط زى عدوى وفوزيه بس مجرد ما عربيه امن مركزى تعدى .. تفرق اى مظاهره واللى اتفقنا عليه ننساه والحياه ترجع تانى والميه لمجاريها ..
والعيب فين بقه ؟؟؟؟
اقولكو انا ...المشكله اننا مش قادرين نفهم اننا مش هنتغير وان اللى بيجرالنا ده مالوش نهايه
وان لا مظاهرات ولا اضراب ولا اى حلول هتجيب معانا .. علشان احنا يعنى محتاجين حاجه واحده بس ...
sorry for the word
يعنى محتاجين ( ننضف من جوه ) ايوه والله صدقونى
..محتاجين نخلص النيه ونصفى نفسنا ونصلح نفسنا
وبعدين نبص لغيرنا علشان ( ان الله لا يغير ما بقوم حتى يغيرو ما بأنفسهم ) وعلشان مننضربش على قفاانا
او نتمد زى محمد هنيدى فى الفيلم
وعلشان ميتحلفش علينا بالطلاق زى فوزيه
وعلشان مناكلش ونترمى على السرير كما الانعام زى عدوى
الحق بيدينا قوه ...
والصح بيخلينا اقوى ..
وبنقدر نثبت على موقفنا
ولو احنا فعلا اتغيرنا واتصلحنا من جوه كلنا ..
هنقدر نقول لا
ونغير كل حاجه حوالينا
انا مش مرتبه كلامى .. ومش عارفه هيوصلكو قصدى ولالا
بس كل اللى عايزاه .. اننا منعملش زى عدوى وفوزيه
نلف نلف ونتكلم وبس ...
وجزء منا يتعشى وينام ..
وجزء ملهى فى اى حاجه
وجزء بيتضرب وبيسكتوه ....
طيب دلوقتى وبصراحه كده كل واحد دخل ..شايف نفسه عدوى ولا فوزيه ولا محمد هنيدى ولا الناظر ولا باقى الطلبه وهبتدى بنفسى .. انا شايفه انى محمد هنيدى بس مبتمدش انا
10 comments:
حمدالله علي السلامه يامريومه
نورتي عالم التدوين من تاني
ومش هسأل فين المكان التاني اهو
(:
هروح أقري البوست بقي
awalan ana mesh mesad2 3naya en enty rge3ty tkteby tany sanyan e7na mesh hayenfa3 nendaf men gwa mesh 3alshan mafesh omo la sama7 allah el 7koma mwafaralna kol 7aga bas 3alshan aslan e7na mesh mo3tarefen en wana eswed we zay el zeft laken kol lama benbos fe el meraya bnshof en e7na tamam we kolo loz fa mesh hanfaker netn23 fe el omo ela lama ne3teref en e7na men gwa fena 7agat kter awy 3ayza tet3'sel salesan enty leky el 7a2a enk te5tary mohamed hnidy bas mawdo3 el mad dh mesh fe edek fe ed e5wana el bo3da ha hoshhhhh salm ba2a
we fawzia 3amlt eh akl fe a5r el lila el soda dih ???? Miss Mariam i would like to say to u that a kilo of tomato costs 3 LE :D .
be cheerful we will c Black Days after what happened yesterday between uncle bosh and 3amo 7osni/*mesh 3amo 7osni beta3 el fast food*/ and u will write blogs bel 3abit :D. we are not America followers anymoreeeeeeee lololololyyyyyy hntsha7war :D....BTW Welcom Back .
كلامك طبعا جااامد وعندك حق فيه
احنا فعلا شعب يلمه زمارة ويفرقه عصاية
وهنفضل كده طوول عمرنا لو ما حاولناش نتغير
بجد يار يت كل واحد يحاول يبدا بنفسه اكيد الدنيا هتبقى احلى
وساعتها فوزية هتناقش عدوى
وعدوى مش هيكبر الجمجمه
واحنا كلنا نستفاد
ميرسى ليكى وتقبلى مرورى
هاهاهاهاهاااا عارفين نكتة محسن؟؟؟ لأ!! طب هحكيهلكم بيقولك ايه, واحد دخل السوبر ماركت سأل كيلو اللحمة بكام قال له الجزار 30جنيه قعد يدعى:"الله يخرب بيتك يا محسن ياللى مغلي العيشة علينا" سأل كيلو السمك بكام قال له بتاع السمك 15 جنيه قعد يدعى:"الله يخرب بيتك يا محسن ياللى مغلي العيشة علينا" سأل بكام الفرخة قال له بتاع الفراخ 10 جنيه قعد يدعى:"الله يخرب بيتك يا محسن ياللى مغلي العيشة علينا" واحد مخبر سمعه قبض عليه وراح واخده على القسم ودخل على الظابط قال له: تمام يا فندم الظابط سأله: ماسك الراجل ده ليه ؟؟ قال له: الراجل ده مش عارف اسم الريس يا فندم.... الله يخرب بيتك يا.... محسن D: "إذا كان رب البيت بالدف مولعا . . فشيمة أهل البيت كلهم الرقص " مش كده برضه؟؟؟
انتى اللى منورانى حقيقى يا اسراء
وعالم التدوين منور بناسه
اولا : صدق عنيك انا هنا
وبجد متشكره جدا لزوقك ده يعنى مش عارفه مش لاقيه كلام اقولهولك
ثانيا : انت معاك حق بس مش ملاحظ ان كلامك ده يودينا فى داهيه
ولا على ايه مااحنا كده كده رايحينها
انا بيتهيألى نأجراتوبيس بقه لاننا كلنا لازم نروح فى داهيه سوا
منورنى والله
زنانه موووت
انتى منوره البلوج فى اولى زياراتك ليها
ازدادت شرف حقيقى يعنى
وانتى قلتى كلمه ملخصه للى انا قلته
احنا شعب يلمه زماره ويفرقه عصايه
نورتيى وسعدت بزيارتك
ساره حبيبتى انتى الواضح نسيتى مقولتى الشهيره
الحزن جاى جاى يا حبيبتى
المشكله فى حاجه ان فوزيه اكيد معملتش عشا بعد كل ده لعدوى
فى مشكله تانيه بقه
انتى عرفتى منين ان كيلو الطماطم ب 3 جنيه
وانا على حد علمى انتى مبتزليش سوق ولا بتشترى خضار
ارجو انك توافينى برد على الموضوع الخطير ده
درررررررررررش
بص انا قلتلك قبل كده بردو محسن حسنى اهو كله بيصب فى بوتقه واحده
كله جاى من الحسن اللى مش موجود اساسا
والله انت بجد بقه دونا عن كل اخواتك اللى منورنى نور فظيع مش قادره اوصفلك
ولا لمبات توشيبا العربى
زيارتك تهمنا
وسجارتك تضرنا
Post a Comment