Papa Ashraf , Thank u

It is the first time I write in English in my Blog.

Yet I have a special occasion that I write
for my English instructor Mr.Ashraf
who trained me in Egyptian Gazette newspaper.

I'm so glad for being with you yesterday and
I wanna thanking you for giving me the
honor of ( iftar) with you.
You told me that we made your day,but actually you are the one who made my day, our day and even all our days.

How many times you made us happy
you made us laugh
you made us think
you made us alive
you gave us strength
you gave us the freedom of choice
you gave us the right to say (No)

you did a lot of things in return for nothing.
Now it is our turn to make you happy.

Really you deserved more than
being here by your side and.
I promise we will always be there.
You will find us whenever you need a son or a daughter.

In fact I could not say (Dad) for someone
except my father , but now I can call you (Dad)
because I feel that you are really my father.
I feel it indeed not just a word.


I promise that I will act as your
real daughter and I'm sure the rest will act like that.
I'll obey all your advice and study well
trying to improve my language to become unique translator
not only because I wanted to
,but also to make you happy and proud of me.

Finally, I wanna say that my world is a better place because of you and I'm grateful for each day you gave me.
I will be forever thankful.

Thank you
Papa Ashraf
your daughter
Mariam

كل سنه واحنا هنا مع بعض

ملقتش حاجه اكتبها بس كان لازم فى المناسبه ديه اكتب اى حاجه معرفتش اخليها شعر ولا نثر ولا حتى قصه .. بس طلع منى كلام انا حاساه
زى النهارده .. كانت خطوبتى
كل سنه وانت طيب يا حبيبى

مر عامين منذ كنا حيث كنا لا يعلم كلانا الأخر
منذ أن كنت هائم تبجث عن نصفك الأخر
منذ أن كنت حائره وأحتاج شوقى لأخر
منذ أن كنا غريبين لا يعلم أى منا الأخر

ابتسم .. فلقد حطمنا كل الحواجز
ابتسم .. فقد أصبحت لى أهم ما أمتلك
وأصبحت لك كل من تمتلك


مر عامين ... لا أنكر ما مر علينا من لحظات يأس وضعف وقسوه بهم
ولكنى سأظل أذكر ماحييت أنهم أفضل عامين فى حياتى.. وحياتك

تغيرنا .. كبرنا .. نضجنا
صرنا نعرف معنى الحب سويا
ومعنى الألم سويا
تذوقنا مراره البعاد
واستشعرنا حلاوة الصبر
فصبرنا .. وتحملنا
والأن ..
أنت معى . وأنا بجوارك ..
فتذوقنا حلاوه العشق أيضا .. سويا


مرت علينا أحداث كدنا بعدها أن نفقد توازن قوانا كدنا أن نخسر حبنا ..
كدنا أن نموت بالفراق
ولكننا تجاوزناها سويا .. وتجاوزنا طيشنا معا
بك نضج تفكيرى .. وأصبحت حياتى معك ليست ارتباطا تقليديا
ولكن .. حبا أبديا
لا ينتهى بعواقب وظروف تفرضها علينا الحياه
انما نحن من نصنع ظروفنا ..
نحن من نحافظ على حبنا
معا .. لست وحدك ولست بمفردى ..
بل يدك فى يدى تجعلنى اتحمل الصعاب
تجعلنى اصبر على كل ما مر وما سيمر ...
ونظرتك بعينى تجعلك أقوى
تجعلك تقوى على الظروف مهما كان مداها وحجمها


أوتعلم ؟؟ أنى فى هذه الحياه من أجلك ..
ولحسن الحظ انك هنا من أجلى
مرت على ليال وأيام وانا استنتج هذه النتيجه .. وما أن عرفتها
حتى أيقنت أن فراقنا مستحيل ..
وأن وجودنا معا قدر
ولسنا نحن من نصنع القدر ..
فنحن عبيد تطيع ما قدره الله لنا
ولكن أشكر الله باليوم ألف مره .. لأنه قدر لى وجودك بجانبى
وحيث ان القدر وضعنا بنفس الاتجاه
وجعلنا نفكر بنفس الطريقه
وجعل لنا خصال وصفات تكاد تكون متطابقه
وجعل لنا نفس الميول والعادات
بل وجعلنا الله نشبه بعضنا البعض تماما وكأننا أخوين

فتعالى نصنع مستقبلنا وفقا لهذا القدر
تعالى نخطط لأن نكون أبا وأما عظماء ...
أقسم أنى سأكون
بل أقسم أننا سنكون معا
محاولين ان نكون اباء تربى ابناءهم على أحسن مما تربينا عليه
ولنعلمهم منذ نعومه أظافرهم لكم أحببتك .. ولكم عشقتنى
حتى يصبح شغلهم الشاغل .. خلق الحب واستغلال وجوده حيثما وجدوه


فمننا سيتعلم أطفالنا معنى الحب وقيمته
فتعالى ..
تعالى نقسم ان نمتلك هذه الصفات الحسنه طوال حياتنا ولا تغيرنا الظروف
فلذلك أحببتك . ولذلك تحبنى

(قصه قصيره ) هل سيخبرنى ؟؟؟

أعتدت الجلوس لسماع كلمات أم كلثوم وأنا أفكر , فاذا بها اليوم تغنى ( ثورة الشك) وتزامن ذلك

مع ما بى من مشاعر شك كاد أن يصل الى حد اليقين

أخذتنى تلك الكلمات الى المنطقه التى طالما حاولت الابتعاد عنها طوال الأشهر الماضيه

وهنا بدأت أم كلثوم فى سرد مشاعر شكى قائله

( أكاد أشك فى نفسى لأنى أشك فيك وأنت منى )

فهل سيخبرنى ؟؟ وبماذا ؟؟ وكيف يستطيع ؟؟

كيف له أن يقولها بهذه البساطه ؟؟ سيقول مللت منك ؟؟

مشاعر حبى لك تحولت من اللهفه الى الملل .. وقعت فى حب امرأه غيرك ؟

كيف وبيننا ماض كبير وكفاح ؟؟ كيف سيخذلنى وهو كل من عشت له وكل ما بقى لى ؟؟

واذا استطاع قولها .. فكيف لى أن أقبلها ؟؟

أأثور ؟؟ أأغضب ؟؟ أأثأر لكرامتى ؟؟ أأتركه أرحل ؟؟ أم أشترط عليه بقائى فى حياته أو بقائها ؟؟

أأعرض نفسى لتلك المفاضله ؟؟

فماذا لو أختارها ؟؟

حتما سوف يميتنى هذا القرار

أاااااااه .. ليتنى أستطيع العيش بدونه . أه لو تستطيع شجاعتى المعهوده أن تؤد مشاعرى التى توحشت تجاهه

بالشكل الذى يجعلها تنهش بى كلما فكرت الابتعاد عنه

وفجأه قطع صوت المذياع فرمله قويه بالخارج من احدى السيارات .. وأصوات تجمع

وطلب للنجده واستغاثات من الماره .. قفز قلبى من موضعه وأقعدتنى الصدمه لا أقوى على الحراك

وتزايد خوفى وقلقى من أن يكون زوجى هو المصاب .. حيث انه موعد حضوره من العمل

راودتنى أفكار جعلتنى أقسم انى اريد خيانته ولكن أريده حيا

حتى لو كان مع أمرأه غيرى .. فيكفينى أنى أراه واعلم انه يحيا

يكفينى انى بنفس الأرض التى هو عليها يتنفس كلانا نفس الأنفاس

يستنشق كلانا نفس عبير الزهور ونفس نسيم الهواء

ليته خاننى وبقى حيا

نعم فلقد عشت معه ما مضى من حياتى ولم يسأ لى قط فلماذا لا أغفر له خيانته لى التى مازالت شكوك فى خاطرى

ربااااااااااااه .. أرجوك أنقذ زوجى .. أعيده لى يا الــــــــــــهى

نهضت لأرى زوجى من النافذه .. فاذا بجثه ملقاه على الأرض بدماءها فتجمد الدمع بعيناى

وتصلبت اطرافى .. ولكنى فجأه نظرت لأجد الجثه الملقاه لأمرأه وليست برجل

لم أعرف ما يتوجب على فعله .. أأبتسم .. أأضحك .. أأرقص من السعاده

أم أعود لأستكمل شكوكى وظنونى بزوجى

ولكن رجعت لمقعدى لأفكر فى هذا الحب الذى جعلنى استطيع تحمل الجراح بل وانتظر المزيد مقابل حياه زوجى

وبهدا توصلت الى قرار وهنا توصلت معى أم كلثوم لقرار بقولها

(وما أنا بالمصدق فيك قولا .. ولكنى شقيت بحسن ظنى )

نعم فلن اصدق بعد اليوم ان زوجى يخوننى

وهنا رن جرس المنزل .. قمت مسرعه وخائفه فى نفس الوقت .. لا أعلم ما الخطب

فلقد اعتاد زوجى ان يفتح الباب .. فتحت الباب

فاذا بزوجى يحتضنى ويقبل جبينى .. رباه .. ماذا حدث ؟؟

فما أن قال لى أحبك .. حتى ايقنت أنه نادم على شئ ما .. حزين .. يحتاج لوجودى بجواره

لا أعلم لماذا ؟؟ ولكن على أى حال هذا الاحساس النابع منه أروع بكثير من معرفتى أسبابه

أنه حقا يحبنى .. ولقد علمت منذ قليل لكم أحببته .. وسامحته حتى اذا خاننى

وما ان تفوه بكلمه ( احبك أكثر من المسموح ) حتى انقلب شكى فيه إيمانا

ودمعت عيناى وانا فى أحضانه الصادقه التى ما اعتادت الكذب قط ..وهنا تسائلت ام كلثوم ...

(أجبنى هل صحيح حديث الناس .. خنت أم لم تخن )

ولكن هذه المره لم تعد لى الرغبه فى هذا السؤال .. فأنا أحبه .. خان أم لم يخن

وزاد عناق زوجى لى .. وزاد تعلقى برقبته . فحملنى .. وهنا علا تصفيق جماهير أم كلثوم

معلنا أحترامهم لقرارى وحبى لزوجى

لازم نفترق .. ونحترق

لاننا نورنا جدا

كان لازم نحترق

لاننا قربنا جدا

..كان لازم نفترق

احيانا بيبقى البعد اهم بكتير .. زى ما اكيد كلنا قرينا الميل بتاع ( فهم فى البعد احلى وهم فى البعد اغلى )

.. فى ناس كتير كل ما بنقرب منهم بنخسرهم ونكتشف اننا لازم نبعد عنهم علشان لا نضرهم ولا يضرونا ..

رغم ان بعدنا بيكون مؤلم لينا وليهم ...

بس لو فكرنا بعقلنا هنلاقى ان البعد اهم وافضل حل لانهم بيكونو فى البعد اغلى واحلى ..

علشان مبناخدش فرصه

نكتشف اى شئ يصدمنا ..

ولا فرصه نجرحهم ولا يجرحونا ولا نخدعهم ويخدعونا .. فبالتالى بنفضل محتفظين بالمساحه النقيه اللى جوانا ليهم .. وعمرنا ما بننساهم حتى لو مر علينا سنين وبقينا مع ناس تانين ..

بنفضل فاكرين صدق المشاعر والاحاسيس المختلفه اللى حسيناها معاهم ولان قربنا هو نهايه لسعادتنا واحترامنا لنفسنا , فبنضطر نبعد علشان نفضل احنا زى ما احنا

واللى اتغير بس بعدنا .. اللى مؤلم لكل واحد مننا ...

علشان مش هنعرف نجرح نفسنا ولا نجرح الناس اللى بتحبنا ... فبنبعد غصب عننا

ليس معنى فراقنا اننا لم نحتفظ بهم فى قلبنا ..

بالعكس ..

ففراقنا لنظل نحترمهم ..

نقدرهم ..

نذكر اليوم الذى قابلناهم فيه ..

وتلك اللحظات السعيده التى جمعتنا لنفترق

ونحترق ...ونتعذب ونحن نسترق من الزمن لحظات لنتحادث سويا على عجل

ورغم أننا لم نكن قط مختلفين .. ولم يكن هناك داعى لأن نفترق

ورغم ان حياتنا معا كان من المتوقع لها المثاليه والنضوج

وبرغم ان كل حسابات المنطق وافتراضات العقل كانت تقول نعم

ولكن

حسم القدر العبث بشأن حياتنا معا .. وأفصح عن قراره

وقال

لاننا قربنا جداااااااااااااااا كان لازم نفترق

ولاننا نورنا جدااااااااااااا كان لازم نحترق

اعذرونى على النكد ده بس ..... عادى يعنى

أجدع صحاب .. صحابى من صغرى

أجدع صحاب صحابى من صغرى .. دول اللى يمشو معايا دوغرىدول أغلى ناس هما الأساس وأقولكو ايييييييييييه ؟؟؟
أنا كل ما عمرى يعدى ونقابل بعضنا .. أحس كأن انا عندى يجى 16 سنهأفتكر أمبارح ادمع .. حفظاه وممكن أسمع .. نفسى الأيام دى ترجع .. ونتلم كلنا

الأغنيه ديه بقه يا جماعه كارثه بجد .. انا سمعتها حسيت انى فعلا عايزه ادمع
مين فينا صحابه مش غاليين عليه ؟؟
مين فينا مالوش حد قريب منه أوى لدرجه انه مبيضحكش من قلبه غير فى وجوده
مين مش مشتاق للشقاوه ولعب العيال ...
مين مش مشتاق للشارع والنادى والمدرسه ....
وكل ما بيكبر سنه بيحن للى فات .. وكل ما يقابل حد من زمايله زمان .. يتمنى يرجع الزمان


وعلشان الست أم كلثوم مبتكدبش .. وعلشان الزمان كمان مبيرجعش ..

لازم نعترف بأفضال زمان علينا .. وبأفضال صحاب زمان

وأنا لقيتها فرصه أعترف بانى الحمد لله كنت محظوظه لأنى كسبت صحاب من طفولتى لحد دلوقتى مازلنا اعز أصحاب

أى نعم خسرت كتييييييييييير فى زحمه الحيا .. ولاد وبنات .. على مراحل عمرى المختلفه

بس فخوره وسعيده ان فى اتنين لسه مخسرتهمش ... وبجد هما اجدع صحاب

فى صحاب كتير غيرهم . . بس دول صحاب زمان .. صحاب أولى ابتدائى .. اللى على الرغم من اى فرقتنا المجالات والاتجاهات ولكن جمعنا حبنا لبعض .. وذكرياتنا الجميله .. وبنحرص على اننا نتجمع ونتقابل ... محدش فينا نسى التانى

رغم المشاكل والبعد والظروف

مفتكرش مره زعلنا من بعض .. وبجد مبعرفش اضحك من قلبى غير فى وجودهم .. ولو اختلفنا فى وجهات النظر .. بلاقيهم بردو حواليا

هما اللى لو متدايقه بلاقيهم قدامى فى ثوانى .. ولما بزهق وبنزل اتمشى بلاقى رجلى بتاخدنى لحد باب بيتهم

اشكى .. واحكى .. واعيط .. وارجع اضحك .. وارمى كل همومى وبضحك من قلبى بس لما نكون سوا

رغم اختلاف الطباع .. ورغم الأسلوب اللى جايز مبيعجبنيش .. بس بحبهم

لانهم جزأ من حياتى يكاد يكون الجزأ الوحيد المضئ والجميل . ماضى استحاله امحيه من ذاكرتى

فى خطوبتى هما اللى كانو حواليا .. أقربلى من أهلى

فرحانين علشان أكتر ما فرحت لنفسى .. بيتمنولى الخير فى عز مشاكلهم

البنتين دول هما

مروه ورضوى

يمكن مروه أقربلى أكتر .. وأنتمتى .. وحبيبتى .. وحياتى من غيرها أكيد تتدمر

ويمكن كمان رضوى قريبه منى .. وبردو حبيبتى

ويمكن أنا مقدرتش أقولهم الكلام ده لأنى متأكده أنهم حاسينه وفاهمينه وشاعرين تجاهى بنفس الشعور ويمكن أكتر

بس لقيت فرصتى دلوقتى انى اشكرهم

واقولهم ... بحبكم

يا أجدع صحاب

يا اصحابى من صغرى

ازاى تفرفشى جوزك وتنعنشيه وتبسط مراتك وتزقططها

من ساعه ما وعيت على عالم الكمبيوتر وابتدت علاقتى بالنت من حوالى 7 او 8 سنين مثلا
بتجيلى ايميلات كتير أوى مضمونها
( سر السعاده الزوجيه فى سطور , تعلم كيف تتعامل مع شريك حياتك , نحن نعلم مفتاح شخصيه شريك حياتك
وممكن نفك شفراته ونعمله ريموت كنترول كمان , ازاى ترضى زوجتك , ازاى تنعشى جوزك وتفرفشيه )
وما الى ذلك من سلسله الموضوعات اللى بتحاول تنصح كل من الزوج والزوجه
وأغلبهم ان لم يكن كلهم بيناقشو نفس الموضوع وبيقدمو نفس الحلول
كلهم طالبين من البنت تبقى ست الحسن والجمال حتى لو هيا اصلا ملهاش علاقه بالحسن
وكلهم طالبين ان البنت تبقى ملاك رحمه تسمع وتسكت وصوتها ميعلاش وتبقى الصدر الحونين
والكلمه الطيبه متفارقش لسانها حتى لو الراجل غلط مش مشكله .. معلش جوزك
لو خرج اطمنى عليه رايح فين حسسيه انك ضله متديلوش فرصه يورب يمين ولا شمال
حاوطيه دايما بأسئلتك ولما يرجع اسأليه كنت فين ولو معاه فلوس اعمليله قانون من اين لك هذا
لو جاله تليفون اجرى اقعدى على طول على الخبر اوعى تفوتك الحكايه ديه ومفيش مانع ترمى ودانك
قبل ما يطلب الطلب تنفذيه .. ازاى معرفش ان شالله تفتحى المندل مش مشكلتنا ومتصدعيناش
لما يسرح شويه نطيله جوه السرحه واعرفى سرحان فى ايه او ليه مش يجوز سرحان فى واحده غيرك خربى عليه السرحه
اما بقه لو دخل الحمام من غير مبرر شكى فيه واسأليه عن المناسبه علها تكون خير
لو طول فى الحمام خبطى عليه ولو مردش بسرعه اكسرى الباب
بحجه انك بتتطمنى عليه

الحقيقه ان كل ده غلط جدااااااااااااااااااااااااا
لانه مبنى على انى بعمل كل ده علشان يحبنى وميبصش بره لغيرى وعلشان يفضل معايا انا وبس
يعنى كل اللى بعمله خالى من مشاعر اللهفه الحقيقيه والاطمئنان الحقيقى
وكمان كتر الدلع والحب والحنان بيزهق واسألونى انا .. الواحد لو كل يوم كل مربى وعسل وبسبوسه
بيزهق بيبقى عايز فى مره ياكل مش .. مسقعه .. ان شالله حتى سد الحنك بس يغير
كل اللى اتقال ده حلو وجميل انا منكرش .. لكن لما تعمليه من نفسك وتلاقى نفسك لازم تعمليه
عايزه تعمليه علشان بتحبيه .. فهيوصل من القلب للقلب .. وكمان لما متزوديش فيه .. خير الأمور اوسطها
فى بنات كتير بقه بشوفها بتعمل كل الوصفات ديه
وبتبقى البنت ايييييه ,, بلسم يا اخواتى بلسم
مش ممكن يعنى من الرقه والدلال والعطف والحنيه اللى غلبت مناديل فلورا
ومع ذلك البيه بتاعها كل يومين بيعرف واحده شكل
تفتكرو ليه بقه ؟؟؟
ليييييه ؟؟

انا من وجهه نظرى المتواضعه اللى تم ذكرها من كام سطر كده ( بس انتو مكنتوش مركزين )
ان احنا متجاهلين حاجه مهمه جدا
الا وهى .. اختلاف الطباع .. مش كل راجل بتمشى معاه الوصفه السحريه بتاعه النت ديه
ولا كل الستات يليق عليها الدلع ..
فى رجاله متجيش بالحنيه .. وبيزهق من الاهتمام الزايد وميحبش يحس ان خطواته محسوبه عليه
فى رجاله بقه تحب اوى الرومانسيه الزايده ويفضل ان حبيبته تهتم بيه وتحسسه ان مشاعرها على طول ملتهبه زيه
لان النوع ده بيحتاج على طول لعمليه ارواء لمشاعره
وفى رجاله تحب البنت المعتدله .. لما يكون رايق وعايز يحب يلاقى رومانسيه
ولما يكون عايز حوار عقلانى يلاقيها جنبه ولا اجدع صاحب بتسمع وبتحل وبتناقش ومتملش منه
طيب السؤال هنا بقه ؟؟
وهى البنت ماكينه . أله بقه .. مينفعش كله عليها كده
الاجابه :
لا . فى كلام بردو تانى بيتقال للرجاله .. ده غير ان مراعاه الفروق الفرديه واختلاف الطباع ده سارى على الراجل والبنت كمان ..

علشان نعرف نعيش فى سعاده مش لازم نجرى ورا اى كلام اتقال وحد جربه ونطبقه
لاننا كلنا مش مثال واحد لا .. كلنا اختلافات ده هو طبع البشر ..
مفيش حد شبه حد اطلاقا .. مهما كانت درجه التفاهم بينا .. لازم اراعى انك غيرى وانى غيرك علشان نعرف نعيش .. ولازم كمان حاجه مهمه جداااااااااااا ....
اعرف شريك حياتى بيحب ايه .. وايه اللى بيجيب معاه . يعنى بيحب الرومانسيه والدلع .. اكتر منهم لكن متبقاش الحياه كلها كده
بيحب العقلانيه والحوارات اللى فيها نقاش ديه وماله .. ازود منها .. بس اراعى انى مكرهوش فيها باستمرارها
يعنى من الاخر افهم النفسيه اللى قدامى وابتدى ابنى حياتى عليها .. مره تفشل مره تنجح
بس نجاحى انا اللى اعمله بنفسى .. مش بوصفه من على النت يا عالم مين كاتبها
علاقه الارتباط ليست سعيا وراء الكمال من كلا الطرفين .. ولكن سعى وراء تفهم الفروق الفرديه بين الطرفين وتفاديها
ومننساش ان الخط المستقيم هو اقرب مسافه بين نقطتين
يعنى نصيحتى الأخيره للبنت : كونى صريحه وصارحيه بخطواتك علشان
تصلحو علاقتكو ورتبو مع بعض ازاى هتبقو احسن .. ده مش عيب
العيب انك تبقى خايبه وساكته وقاعده تشتكى للى حواليكى وبس .
مش شرط تطلبى نتايج سريعه .. ولو حصل وزعقله شويه او عاند حبتين
مش هاقولك استحمليه , بس عديها وطنشيه وديه اكتر حاجه تحسس
الراجل ( اللى بيحس وبيفهم ) غلطته .. لما يهدى ويرجعلك بقه ابقى عاتبيه
مدام ممسش دينك ولا كرامتك ولا شخصيتك .. كله بينكم مباح
نصيحتى للشاب : افهم انكم اتنين مختلفين .. ان مكانش يا ناصح علشان الجنس يعنى
انت ذكر وهيا انثى .. فعلشان البيئات اختلفت وطريقه التربيه مختلفه
مش شرط تبقى صوره طبق الأصل منك ومش شرط بعد سنه
عايزها تفهم كل طريقه حياتك والدليل ان انت كمان عمرك ما هتبقى زيها
لو عشتو سوا طووووووول العمر ..
راعى انها بتحاول تتغير علشانك ومتتغطش على البنت ديه بنت ناس بردو
حاول تقربلها وشاركها فى انكو تتغيرو سوا لأقرب نقطه بينكم
وكون معاها صريح

هو اللى قال Bernard Shaw

انا قلت مش هتكلم فى السياسه تانى .. علشان فى ناس حساسه فى البلد فبتزعل
وانا مبحبش ازعل حد .. علشان انا ميهونش عليا حد من القيادات العليا ينام معيط .. ولا يبات زعلان
لان انا قلبى كبير وبيساعى من الناس كتيييييييييييير
فلتكن فترات الصمت هى الفيصل بينى وبينكم


بس للأسف
لما الست رضوى صديقتى الصدوقه طلبت منى مقال ...
قلت مبدهاش بقه .. مكنتش عايزه احرمها من حاجه وبعدين قلتلها خدى من الكتابات القديمه نطلعلك مقال حلو كده شيك نلمعه
وننجره ونشيكه ونعيد تقديمه .. قالتلى لاااااااااااااااااااااااااااا
فكرت اكتب حاجه ( لجمالك يا سيدتى ) للجنس اللطيف
او مثلا اعمل كتاب على غرار لكى يا سيدتى
او كيف تهتمين بصحه طفلك
كيف تبسطى وتنعنشى زوجك
كيف ترحم زوجتك من غلاستك
ازاى تقدر تتعامل كويس مع البشر ( تنميه بشريه ) بتاعه ابراهيم الفقى هاى هيء
ازاى تخلى البنات تحبك بتاع هانى سلامه وسميه الخشاب
يعنى كان نفسى اغير النشاط .. بس مش عارفه بصيت يمين وشمال
لقيت جنبى مسرحيه كنت بقراها اسمها
Man of Destiny
للعبقرى
Bernard Shaw
انا مكنتش بقراها غلاسه على نفسى ولا غيره بس قصتها عجبتنى اووووووووووى

ايام زمان مكانش فى وجود لأمريكا .. وكانت فى ماما بريطانيا
بريطانيا زمان كانت قايمه بالظبط بدور امريكا دلوقتى
ابسطهالكو
يعنى زمان بريطانيا هيا اللى كانت بتؤمر وتنهى وكان على العالم كله بس انه يطيع
وهيا كمان اللى كانت بتغزو وتهاجم وتحارب وتأسر
وكانت التابع بتاعها فرنسا
المسرحيه بقه بتتكلم عن وضع بريطانيا وفرنسا ورغم ان المؤلف المسرحى برنارد شو من اصل بريطانى
ولكنه هاجم بريطانيا وتخلف سياستها من خلال مسرحيته ومعتمدش على السخريه من فرنسا فقط
فى المسرحيه بقه قال برنارد على لسان بطل مسرحيته نابوليون بونابرت كلام حلووووو اوووووووى
ينطبق على انجلترا وفرنسا ومصر وكل بلاد العالم .. لانه كلام يمس الشعب
بيقول :
بالبلدى كده : ان السلطه منخافش من الطبقه العليا ولا الطبقه الدنيا
لان الاتنين بعيدين تمام البعد عن الاخلاق والضمير
لان الطبقه الدنيا تحت مستوى الأخلاق
والطبقه العليا فوق مستوى الاخلاق
ولكن الخطر الحقيقى يكمن فى الطبقه الوسطى لانها طبقه مثقفه وحالمه ومتطلعه
علشان كده بقه يا اخوانا مبنلاقيش مثلا فى ذات مره حكومتنا المبجله هنا فى مصر قبضت على بياع سريح بيبيع طماطم
ولا واحد سارح بترمس
وفى نفس الوقت مبتقبضش على واحد مليونير او من الحيتان الكبار
لكن بتتشطر على مين بقه ؟؟؟؟؟؟؟؟؟؟
صاحب محل غلبان
طالب فى جامعه غلبان
موظف مطحون غلبان
يعنى من الاخر حكومتنا هنا دلوقتى بتعمل كل اللى بريطانيا كانت بتعمله من حوالى 100 سنه واكتر
الله عليكى يا مصر
دايما فى المؤخره .. بتطبق كل النظريات والاستراتيجيات بعدها بسنييييييييييييييييييييين
والغريب انها ثبتت فشلها فى الدول الاوروبيه
ولكن فشلت علشان الشعب حررررررررر

مش زينا يعنى ...

يلا بقه ورزقى ورزقكو على الله
رضوى اللى قالتلى اكتب
اناا ماليش دعوه

على اسم مصر .. أنا هاقول اللى عايزاه

على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلاقيني جنبها في الكرب

والنبض ينفض عروقي بألف نغمة وضرب

مش عارفه ليه حسيت اننا محتاجين نسمع الكلمتين دول

يعنى على اساس ان اللى بنسمعه كل يوم عن بلدنا الحبيبه

ممكن يخلينا نكرهها ده على اعتبار انها أمنا .. او حتى بنت خالتنا

ولكن فعلا بنلاقى نفسنا مش بنكرهها

ولا بنعرف حتى ننساها لو اتغربنا وبعدنا

فقلت أكيد فى سبب

واتعجبت واندهشت واستغربت وبرقت وتنحت

فإذا بصلاح جاهين يجيب سؤالى

ويهدأ حيرتى

ويجد لى ضالتى المنشوده

وقدرت استخلص من ( على اسم مصر ) حاجات كتير

اهمها واولها واخرها : اننا مينفعش نعمل حاجه الا اننا

نحــــــــــ مصرـــــــــــــــــب

ليه بحس اننا مبنحسش ؟؟؟

اللهم اليك اشكو ضعف قوتى , وقله حيلتى , وهوانى على الناس -
يا أرحم الراحمين . انت رب المستضعفين وانت ربى
!! الى من تكلنى
الى بعيد يتجهمنى ؟ ام الى عدو ملكته امرى ؟
ان لم يكن بك على غضب فلا أبالى ولكن عافيتك فأوسع لى
اعوذ بنور وجهك اللذى اشرقت له الظلمات من ان تنزل على سخطك
لك العتبى حتى ترضى ولا حول ولا قوه الا بالله

ده دعاء الرسول صلى الله عليه وسلم دعاه بعد رحلته الى قبيله ثقيف بالطائف فى طور دعوته جهرا الى الاسلام
لم يجد منهم أذانا صاغيه وليتهم اكتفو بعدم سماعه . بل أغرو به سفهائهم وصبيانهم يسبونه ويصيحون به
ويقذفونه بالحجاره
وعز على النبى الذى جاء هؤلاء القوم بعز الدنيا والاخره , ان يقابل منهم بهذا الصد والاستهزاء
ديه حكايه الدعاء ده

اللى كل ما اقراه او اسمعه .. احس انى جبله .. معنديش دم .. او مبحسش
حاجه من هذا القبيل .. طيب اذا كان اشرف الخلق اللى ربنا عصمه من كل الذنوب بيقول كده
امال المفروض احنا نقول ايه !!!! لما الرسول اللى جبريل نزله وقاله
يا محمد ان كنت تريد أن أطبق عليهم الجبلين لفعلت
قال الرسول : لا يا أخى اللهم اهد قومى فانهم لا يعلمون
لما بقه الرسول يخاف من غضب ربنا .. ويقول عافيتك فاوسع لى
!!!!!!!!! احنا المفروض نعمل ايه يا جماعه انا بستغرب والله
كل ما اقرى الدعاء ده احس بحاجه عجيبه جدا . وكأنى كنت موجوده وقتها وحسيت بالرسول صلى الله عليه وسلم
وحسيت بشكوته الى الله

.. بس اللى بستغربله ازاى احنا بنكون اقوياء
ومبنحتاجش نلجأ لله فى كتير من امورنا على الرغم من ان رسوله اشتكى من قله حيلته وضعفه
على كل انا واحده من الناس بشتكى لله من قله حيلتى وضعفى وهوانى على الناس
وبقول لو ده مكانش غضب من الله عليا .. فانا راضيه ولا راد لقضاء الله
والحمد لله
من الادعيه الجميله كمان اللى بتخلى الواحد يهدى ساعه الشدائد
اللهم انى عبدك وابن عبدك ناصيتى بيدك , ماض فى حكمك عدل فى قضاؤك
اسألك بكل اسم هو لك سميت به نفسك
او انزلته فى كتابك
او علمته احد من خلقك
او استأثرت به فى على الغيب عندك
ان تجعل القرأن الكريم ربيع صدرى وجلاء حزنى وذهاب همى
...............................................
اللهم رحمتك أرجو , فلا تكلنى الى نفسى طرفه عين وأصلح لى شأنى كله
لا ألــــــــه الا انت
............................................
قد ايه بكتشف اننا فعلا مقصريين جدا وان مينفعش ابدا اننا نفضل على الحال ده
مش عيب اننا نذكر ربنا فى الشدائد
حتى لو بننسى بعض الاحيان او بتاخدنا المشاغل عن اننا نذكر ربنا ونوفيه حقه علينا
مش لازم نتكسف اننا بنظبط فى الصلاه وبنقرى قرأن وقت الامتحانات او وقت المصائب
لان ده لوحده اذعان منك بان اللى خلقك هو اللى هينجيك . وان ملكش غيره مهما كترت معارفك
وخضوعك واذعانك بكده هيخليك بعد فتره الشدائد ديه اقرب لله من اى وقت تانى
بس احنا فعلا نجرب باخلاص اننا نقرب .. ومنزهقش
ولو مش على طول بنعمل الخير والاعمال الصالحه مش لازم نزهق ونبعد خالص
لا
لازم نصبر ولازم كمان نعرف ان قليل دائم خير من كثير متقطع
لازم نعمل .. وندعى .. ونفضل بنحاول نقرب
ومنتغرش بالخير اللى بنعمله
ده رسولنا على مكانته
كان بيستغفر وبيدعى وبيستسمح ربه فى الشده والكرب والبلاء واوقات الرخاء
.........................
سبحانك اللهم وبحمدك اشهد ان لا اله الا انت استغفرك وأتوب اليك

فوزيه لا هتعمل ولا هتسوى .. وعدوى هيتعشى وينام

كلنا اتفرجنا على فيلم جاءنا البيان التالى

لما وقف محمد هنيدى فى النشره المدرسيه يقول ...أعلنت امريكا أمس احتلالها لقاره افريقيا وجزء من اسياوفى امريكان بيخلصو دلوقتى فى اوروبا وانا بتكلم معاكو فماما لما عرفت استغربت

وقالت لبابا : ايه يا عدوى هيا امريكا هتتدخلفى شؤن الناس اكتر من كده ؟؟

قام رد بابا وقال : يا فوزيه عليا الطلاق منك امريكا بتستهبل
فيا جماعه عايزين كلنا نقوم بمظاهره بعد الفسحه قبل ما ماما تطلق مظاهره مظاهره مظاهره

قام الناظر سأله امك قالت لأبوك ايه ؟؟

قاله : قالت : خلينا فى موضوعنا يا عدوى هتاكل مكرونه ولا بتنجان ؟؟..................................................

الموقف يبان كوميدى اكتر من المألوف .. والضحك على

ودنه .. بس محدش فكر ايه معنى الكلام ده ؟؟؟

طيب حد سأل هو ايه العلاقه يا مريم اساسا ؟؟

انا شايفه حد رخم بيسأل ....

اجاوبه :دلوقتى لما محمد هنيدى طلب يعملو مظاهره .. ايه اللى حصل ؟

سمعنا هتاف الطلبه .. بس لما الناظر وقف بالعصايه ايه اللى حصل ؟

مد محمد هنيدى والاصوات اتكتمت ...

وبالنسبه للام والاب .. فوزيه هتعشى عدوى ... وعدوى هيروق الأنانى وهياكل وهينام وكده خلصت ..

ولا فوزيه ولا عدوى ولا محمد هنيدى ولا الطلبه ليهم دور

طيب هيجى نفس الواحد الاولانى يسألنى سؤال تانى ويقولى لخصى .. احنا مالنا ..هارد على الخنيق ده

واقوله اتك على الصبر

دلوقتى احنا والحكومه بنلعب لعبه فوزيه وعدوى ومحمد هنيدى والناظر....

كل يوم ناخد على دماغنا .. ونقول هنعمل اضراب .. مظاهره .. مقاطعه حتى بندن فى مالطه والله يا اخوانا محدش لا بيهتم ولا بيسأل وكله كلام فى كلام طق حنك زى ما بيقولو ..

بالظبط زى عدوى وفوزيه بس مجرد ما عربيه امن مركزى تعدى .. تفرق اى مظاهره واللى اتفقنا عليه ننساه والحياه ترجع تانى والميه لمجاريها ..

والعيب فين بقه ؟؟؟؟

اقولكو انا ...المشكله اننا مش قادرين نفهم اننا مش هنتغير وان اللى بيجرالنا ده مالوش نهايه

وان لا مظاهرات ولا اضراب ولا اى حلول هتجيب معانا .. علشان احنا يعنى محتاجين حاجه واحده بس ...

sorry for the word

يعنى محتاجين ( ننضف من جوه ) ايوه والله صدقونى

..محتاجين نخلص النيه ونصفى نفسنا ونصلح نفسنا

وبعدين نبص لغيرنا علشان ( ان الله لا يغير ما بقوم حتى يغيرو ما بأنفسهم ) وعلشان مننضربش على قفاانا

او نتمد زى محمد هنيدى فى الفيلم

وعلشان ميتحلفش علينا بالطلاق زى فوزيه

وعلشان مناكلش ونترمى على السرير كما الانعام زى عدوى

الحق بيدينا قوه ...

والصح بيخلينا اقوى ..

وبنقدر نثبت على موقفنا

ولو احنا فعلا اتغيرنا واتصلحنا من جوه كلنا ..

هنقدر نقول لا

ونغير كل حاجه حوالينا

انا مش مرتبه كلامى .. ومش عارفه هيوصلكو قصدى ولالا

بس كل اللى عايزاه .. اننا منعملش زى عدوى وفوزيه

نلف نلف ونتكلم وبس ...

وجزء منا يتعشى وينام ..

وجزء ملهى فى اى حاجه

وجزء بيتضرب وبيسكتوه ....

طيب دلوقتى وبصراحه كده كل واحد دخل ..شايف نفسه عدوى ولا فوزيه ولا محمد هنيدى ولا الناظر ولا باقى الطلبه وهبتدى بنفسى .. انا شايفه انى محمد هنيدى بس مبتمدش انا

يقالى سنه مكتبتش ولا فكرت اكتب لانى كنت بكتب فى مكان تانى وبطلع فيه كل طاقاتى

النهارده قررت انزل بوست من الحاجات اللى نزلتها فى المكان التانى

بس الفكره من انى فكرت اكتب فراغ منى مثلا لا سمح الله

لا بس مش عارفه ليه حسيت انى عايزه اعمل كده

وانا لما بتطلب معايا بديها مبحرمهاش

دلوقتى بقه فى سؤال يطل فى عيون الاخوه الفضولييين

وعمال السؤال يطرح نفسه

فين المكان التانى ...

الاجابه

somewhere

انا بعد غياااااااب لا اعلم مبرره

بجد مش عارفه انا كنت فين ومكنتش بكتب ليه .. جالى عطل فنى وشلل فكرى عجيب اووى

ما علينا المهم انى جيت بالسلامه الحمد لله والشكر لله

واللى استفزنى اكتب تانى انى شفت مقال لواحده صاحبتى اسمها مى عن فيلم عمروسلمى

هيا معترضه على الفيلم

انا وعلى غير العاده عاجبنى الفيلم مموووووووووووت جدا جدا جدا

انتظروووووونى ان شالله هاقولكو على الاسباب الجوهريه

اللولبيه اللى خلتنى ااقول كده

مريم

أمسية نكدية .. أنا والسقف وهواك

أوقات كتير ضيعتهم على ناس كتير عرفتهم

بس العبث انى خلاص معرفهمش دلوقتى

وحاجات كتير فهمتهم... لو قلتهم

هيبقى تضيع للشوية الصغنتتين اللى فاضلين من وقتى

قريت الكلمتين دول فى الدستور من هنا .. وحسيت انى سافرت وسرحت كدة وبصيت للسقف زى ما يكون هيغششنى مثلا

بس مبصتش على السقف وسرحانة علشان فى حالة حب لا سمح الله وبستمد من السقف العون زى افلام زمان

بصيت علشان اعد كام مرة عرفت ناس وسبتهم ؟؟

كام مرة عرفت حد وحبيتة وفى الاخر دلوقتى معرفش حتى ساكن فين ؟؟

كام مرة كان ليا صحاب حلوين اوى وسيبنا بعض ؟؟ سيبنا بعض مش علشان هما مش كويسين ولا علشان انا غبية

وبكرة صحابى او باكلهم زى مليجى اخو اوشه لا علشان هيا دية الحياة

كام حاجة فهمتها وصدمتنى ؟

وكام حاجة ندمت انى فهمتها وكان نفسى ابقى عبيطة ؟

فضلت سرحانة كتير بفكر فى وقت ضيعتة ومحستش بية .. وفرص راحت منى مش عارفة اعوضها

فقت على صوت الحاج مدحت صالح الله يكرمة زى ما يكون كان متسلط عليا مثلا ومعرفش مين المؤذى اللى شغلة

واكيد حد من المجاريح جيرانى .. اصلنا شارع رومانسى وعاطفى شوية

اهو مدحت بية باشا صالح كان بيقول بقة اية

اقفل على قلبك كفايا تجرحة

وتعلقة بحبال امانى تطوحة

من النهاردة الحلم مش هيفرحة

ارجووووووووووك متحلمشى

كنت هاصوت ساعتها واقول ارجوووووووووووكم اقفلو الكاسيت .. وفجأة لقيت نفسى بسرح تانى وبنتقل لمكان تانى بالذاكرة

بفكر وبقول .. ياترى كام مرة حلمت ولما حلمت حققت ولا لا ؟؟

رجعت بالذاكرة 15 سنة لورا .. لما دخلت المدرسة كنت طفلة فى منتهى الرخامة .. عندية جدا وعصبية جدا وشقية جدا

بس كنت ذكية ودمى خفيف والفترة دية مكانش ليا احلام علشان كنت بحقق كل اللى نفسى فية قبل ما احلمة

ولما كبرت وبقيت فى الابتدائية حلمت ادخل كلية هندسة ومش اى قسم لا مدنى كمان واتصدمت باول حقيقة وهيا ان مفيش هندسة

بنات فى الازهر .. المهم دخلت علمى وذاكرت وجبت اللهم لا ار ولا حسد 95 % فى الثانوية الازهرية وكانت وقتها الهندسة فتحت

للبنات .. بس للحظ السعيد خدت من 95.2 % دة بمناسبة انى فقر حبتين ودخلت ترجمة فورية رغم انى مبحبهاش الا انى تقبلتها

وهيا بمثابة الكابوس .. حاولت احولة لحلم جميل .. وبردو لحد دلوقتى معرفتش

ابتداء من 3 ثانوى بدأت افهم واحس يعنى اية حلم .. ويعنى اية ميتحققش ؟ ويعنى اية انك تصحى من حلمك على كابوس

وسالت نفسى سؤال مهم اوووى ... هو انا كنت بحلم علشان احقق الحلم ولا علشان اهرب من الواقع ؟؟

ملقتش اجابة غير انى ابص حواليا اقرأ اى حاجة علشان اخرج من موود السرحان بقة وشغل الحبيبة اللى يشل دة .. المهم بصيت جنبى لقيت كشكول محاضرات .. قلت اهو الفرج جة اهو .. اذاكرلى كلمتين

بفتح لقيت فى اول صفحة عمنا صلاح جاهين .. وزى ما يكون اتفق مع الحاج مدحت صالح والمعلم خالد كساب بتاع الدستور علشان

يعملولى احلى امسية نكد عشتها فى تاريخ حياتى ... وفجأة ومن غير اى مقدمات لقيت كلام صلاح جاهين بخطى فى كشكولى بيقول

ياما صادفت ناس ومصاحبتهمش

وكاسات خمور وشراب ومشربتهمش

اندم على الفرص اللى سبتهم ولا اللى مسبتهمش

الله الله الله .. دخلنى عم جاهيين على منطقة تالتة خالص وسرحت فيها .. وكل مرة بسرح بيكون البطل هو السقف .. انا الحاجة المشتركة

انا والسقف بنتكرر مع كل سرحة من السرحات اللى بسرحهم

المرة دية بقة مفكرتش فى كاسات الخمور والشراب ولا الكابتشينو علشان مبحبوش ولا الحاجات دية كلها

لا .. فكرت فى حياتى كمجمل .. فى اية اندم علية ؟؟ وفى اية مندمش علية

طيب لو ندمت اندم لية ؟؟ ولو مندمتش ابقى مبحسش ولا اية ؟ ولو فكرت ابقى بتعب نفسى ولو كبرت ابقى سلبية وبضيع نفسى

طيب هو انا عايزة اية ؟؟ ومش عايزة حاجة لية ؟؟

صلاح جاهين عايز منى اية .. والجيران فتحوا الاغنية دية لية ؟؟ وياترى اللى فاتحها فاتحها علشان بتلمس جواة حاجة

ولا فاتحها نوع من انواع الغلاسة او انة عايز يسمع فيرجينيا جارتة اللى بيحبها انة بيسمع اغانى وواد كوول

وخالد كساب هو كمان كتب كدة فى المقال لية ؟؟ مش عارف ان فى ناس معقدين دماغهم مبتسكتش هيقروا الدستور

انا اية اللى خلانى اشترى الدستور؟؟ اية الى خلانى اعرف الجيران اساسا

واية اللى خلانى افتح كشكول المحاضرات .. او اية الى خلانى اكتب الرباعية دية فية زمان

وعلشان اخرج من كل الاوهام دية كلها .. وعلشان اريح دماغى اللى تعبت من التفكير قررت ان دية تكون اخر طلعة سرحان اسرحها اليوم دة ففكرت فى حل هايل

قمت طفيت النور .. ونممممممممت

ومعرفش انا نمت علشان احلم .. ولا علشان اهرب من الحلم .. ولا لية بالظبط

بس الحمد لله صحيت فاكرة كل كلمة وعلى غير العادة .. فقررت اسجل اللحظة دية علشان مش هنساها

لا تحسدوا تلك المراة .. او احسدوها مفيش مشاكل

هل المرأة الجميلة المثقفة .. المستقلة ماديا .. الناجحة علميا والتى تجذب بذكاء شخصيتها وعمق حديثها القلوب

والعقول فتهفو حولها .. سعيدة ؟؟

هل المرأة التى نشأت فتاة متمردة لها شخصية مستقلة ترفض التقليد وترفض ان تسمعالراى فتتبعة وتؤمن بالراى

فتتبعة ولو اغضب

الجميع .. سعيدة؟؟

هل المرأة التى تزهو بذكاءها وشخصيتها اكثر مما تزهو بجمالها .. ورقتها .. سعيدة ؟؟ هل المرأة التى تصبح اينما

توجهت قبلة الانظار

ومحل القبول والرفض .. سعيد ة؟؟

البعض يرفعها الى مقام عال من الخلق والرصانة والفهم .. والبعض ينزل بها الى مرتبة التمرد الذى يقترب من الجنون

هل هى سعيدة كافأتها السماء بصفات تحلم بها اغلب النساء ...ام انزلت عليها عقابها بان جعلتها ذات طابع منفرد

وغريب ؟؟

لا تحسدوا تلك المرأة فهى تعيش ازمة نفسية وعاطفية مستعصية ..فمن الصعب ان تجد بين االرجال من يبهرها

بشخصيتة ويغريها على

السكون الى جوارة بعمق ونضج عاطفتة .. لتعطية اثمن ما تملك وهو ( قلبها ) وتحتفظ بالاثمن (عقلها ) م

من الصعب ان يسترضيها احد .. او يرغمها احد على فعل ما تفعلة غيرها من النساء بكامل الرضا

فهل بعد كل هذا هى سعيدة ام تعيسة ؟؟

تحسدوها بقة ولا تشفقوا عليها ؟؟

حتى انت يا صديقى ... كن صديقى

جلست اتجاذب اطراف الحديث مع اعز اصدقائى واقربهم الى قلبى يسود حديثنا جو من العاطفة الهادئة التى تولدها مشاعر الصداقة .. ويالها من مشاعر احتاجها بشدة حيث كثرت الامى النفسية واحتاج من يشاركنى بها ...

نظر الى صديقى وقال : ماذا تخفية فى حنايا قلبك يجعلك حزينة الى هذا الحد ؟ اشركينى معك وحدى اعلم ما بداخلك

اخبرنى يا صديقى ماذا افعل ؟؟ فلقد اخبرتة ان لا يقترب منى لانى اخاف علية .. اخبرتة الا يتعود على وجودى فى حياتة ان لا يغمض عينية على صورتى فى خيالة ولا على صوتى فى اذنية ولا على كلماتى وصمتى فى قلبة ..اخبرتة الا يقترب منى حتى تكون لحياتة معنى وهو بعيد عنى .. حتى لا يربط وجودة وعملة وساعاتة ودقائقة على خطواتى فانا اخاف علية

اخاف الا يبحث عن الدفء والامان ا لا عندى وانا لا اريد له ذلك ..اخاف من تغلغى فى حياتة اكثر من هذا فانا اعرف تماما كيف يتغلغل انسان فى حياة اخر فيكون دون قصد مصدر لتعاستة بدل من هناؤة ..

لا اريد له ان يتعذب بى .. ولا ان يهفو قلبة فقط لى .. لا اريد لنبضاتة ان تسرع وانا اتحدث الية .. اريدة ان يفوق منى وان ينفض مشاعرة الوليدة تجاهى قبل ان تتوحش ولا يمكنة السيطرة عليها .

اه لو يصدقنى ..لو يشعر بصدق خوفى علية .. انا لست شريرة تخاف من نفسها وتاثيرها علية ..ولكن انسانة بها قدر من الحساسية تخاف على انسان تعتز بة وتعرف تماما ان غدهما لن يكن ابدا واحدا

..لا اريد له ان يقترب منى الى حد الذوبان والتلاشى يحركة احتياجة النفسى .. ولا ذلك التوافق بينناولا ذلك التشابة بين شخصياتنا ..

صديقى : احقا لا تحتاجين بجوارك حبيب يشعرك بانك الملكة المتوجة على عرش قلبة .؟؟هذا حلم كل فتاة فماذا عنك ؟؟

نعم .. احتاج .. وافتقد اهتمام حبيب ( معين ) بى كانسان امثل بالنسبة له كيان خاص يهتم بةويقدرة دونا عن بقية سكان الكرة الارضية ..ولكنى فى الوقت الحالى لست بحاجة الى حبيب بقدر حاجتى الى صديق عميق ارتاح لوجودة فى حياتىصديق يسمعنى اذا احتجت ان ابوح عما بداخلى لاحد .. يمسح دموعى عندما تشرق بها نفسى واداريها عن

الجميع ولا يراها غيرة ..احتاج لتلك العاطفة الهادئة التى تولدها الصداقةانا الان بين يديك يا صديقى فقل لى ما الحل ؟؟

ماذا افعل معة ؟؟ فقد صارحتة ولا يزال على موقفة ما هذا ؟؟

اخالك مليت حديثى .. اصحيح ما اشعر ؟؟

ما هذا .. مالى ارى الدموع وقد ترقرقت فى عينيك ؟؟

مالى ارى احتباس دمعك بمقلتيك ؟؟

ماهذا الاحمرار الشديد الذى علا وجنتيك ؟؟

اعتدنا الصراحة معا فلما لا تصارحنى .. اهناك ما يغضب فى حديثى .. ؟؟

ماهذة الكلمة التى تفوهت بها ؟ لا اسمع جيدا ؟لماذا يخفت صوتك هكذا ؟

لم اعتاد منك على هذا الخجل قل ما تريد البوح به وان جرحتنى بكلمك .. تكلم ..

صديقى : احبـــــــــــــــــــك

الا انت يا صديقى .. ارجوك اعتدت ان اخسر من يقولها ..تراجع عنها لا اريد سماعها منك

صديقى : بل انا احبــــــــــــــــك

انت وحدك تعلم ما بى .. لك وحدك اشكو ما بداخلى .. تعلم ما فى نفسى قبل ان اعلمة

صديقى : انا من تبحثين عنة .. احبـــــــــــــــــك

وانا احتاجك صديقى .. انت فقط صديقى .. ارجوك ... كن صديقى

دة الحمار هرش التيتة يا معلم

الدنيا اوضة كبيرة للانتظار ..
فيها ابن ادم زية زى الحمار
الهم واحد .. .. والملل مشترك
ومفيش حمار بيحاول الانتحار
وعجبى !!! يا عينى عليك يا ابو الصلح
-

بستعجب انا على الانسان اللى ربنا كرمة وفضلة على باقى المخلوقات .. ومازال اقل من ... مش قادرة اقول والله، دايما بنتهم الشخص بطئ الفهم وسئ السلوك انة لا مؤاخذة حمار .. اى شخص مش مثقف وصوتى عالى ومتعجرف على طول نقول علية لا مؤاخذة حمار.. مع ان يا اخى الحمار ممكن تسيبة فى اى حتة يرجعلك ودة معناة انة مش غبى .. الرك على اللى بيتوه فى بلده، بالمقارنة لحياتنا وحياة الحمار .. هنلاقى اننا مبنتحركش ربع تحركاتة .. مبنتصرفش زى تصرفاتة .. مش عايشين يمأساة حياتة .. ومع ذلك هو فعال عن البشر .. هو عندة رسالة .. هدف .. عمل بيعملة طول اليوم وبيستحمل علشانة كل الصعاب .. كل دة علشان شوية برسيم فى اخر اليوم .. بياكلهم ويسكت .. لا بيفضل يلت ويعجن ولا بيلف ويدور حياتة فى منتهى الحكمة والصبر والذكاء والاهم من دة كلة الرضا .. اللى احنا مفتقدينة

الانسان : حيوان ناطق

دة تعريف الانسان فى اى معجم .. هو حيوان بس بينطق .. وياريتة ما نطق كل كلامة هم وغم وبلاوى وكل افكارة تدمير وحروب وظلم وقلة صبر .. للاسف بعد كل الدراسات اللى عملتها على الحمير بصفتى بحب الحيوانات وخاصة الحمير ( حب برئ والله ) بس لقيتهم بيفكروا اكتر من البشر واليكم الادلة

الحمار هرش التيتة عقبال عندك

الحمار هرش ازاى التيتة بقة ؟؟ اقولكوا ... هو عرف اللى فيها .. عرف ان الدنيا مفيهاش شئ يستاهل عرف ان حياتنا هتبقى بالعمل، والتفانى والاخلاص احلى وعرف كمان ان الرضا اول خطوات النجاح.. علشان كدة

متلاقيش حمار انتحر او فكر يهاجر برة البلد مع انهم اكتر مخلوقات بتتظلم
متلاقيش حمار اتجوز وفشل .. او حب وحبيبتة سابتة ..او سقط فى دراستة
متلاقيش حماراتجرح او جرح او خان او ظلم
متلاقيش حمار .. بعد ما اتخرج بقى عاطل .. علشان هو عرف المهم ان مفيش فى مصر تعليم فمفكرش فى الخطوة الجريئة دية اساسا
متلاقيش حمار بيخالف ضميرة وبيسرق ويغش ويزور
متلاقيش حمار يبص لك بقرف ويقولك فوت علينا بكرة مصالحك مش هنمشيها
متلاقيش حمار كلمتة وسخر من مشاعرك او فكرك وحسسك بالنقص وعدم الاحترام
متلاقيش حمار بيعمل فيديو كليب بملابس مش لابسة اساسا .. ولا حمار ماشى فى الشارع يعاكس بنات
ولا حمار بيموت ناس ومسئول عن ضحايا اطفال وشباب

لكن تلاقى بنى ادمين كتييييييييييير جدا كدة وبنرجع نشتم ونقول لاى حد فارسنا .. انت يا حمااااار ..
دة الحمار هرش التيتة اهو عقبالك زيك يا رااااااااااااجل ...

احنـــا الشبــــاب

دة كلام انا لقيتة فى الدستــــــــــور وانا بقرأها كعادتى كل اربعاء

مش عارفة اصنفة .. شعر ولا نثر ولا رثاء .. ولا اية بالظبط

بس اللى اعرفة انى حسيتة اوووى .. حسيت ان احنا دول

كل الشباب دول .. كلنا واحد

الكاتب اسمة : شادى زلط .. مش عارفة هو الاصل ولا واخدها من حد بردو

اظن بعد كدة محدش يقول انى احباط .. انا منبع الامل اهو

احنــــــــــــــا الشبــــــــــــــاب

احنا الشباب اللى احترفنا القاعدة جنب الرصييف

احنا الشباب اللى فى ربيع العمر قاعدين بنستنى الخريف

احنا القميص اللى طالع عينة لبس ولسة متهراش

والبنطلون الجينز اللى ملبوس من سنة وما اشتكاش

هو اشتكى .. .. .. بس احنا مسمعناش

والكوتشى العزيز اللى نعلة من المشى باش

احنا الشباب اللى شال احلامة البسيطة على ضهرة فى الشنطة القماش

احنا اللى قعدنا على القهاوى قبل ما نتحال معاش

اللى الزمان ادانا فوق راسنا كتير وشكلة لسة مكتفاش

احنا اللى قضينا شبابنا خوف وصبر وذهول واندهاش

احنا اللى بندور على حتة نقف فيها فى اتوبيس الحياة

التاكسى لأأ

التاكسى دة حاجة يركبها اللى معاة

اسألنا احنا .. أسألنا

ما تسألش اللى بتضايقة وقفة فى الاشارة

اسأل اللى ياما كعبلتهم خطوط عبور المشاة

احنا اللى خللنا فى الكلية واما طلعنا قعدنا فى البيت كالحريم

وكل يوم نسمع عن ( تلتميت الف ) فرصة عمل نهلل فلتحيا الحكومة وليحيا الزعيم

ونبات الليل بنحلم بالشغل وفلوسة والبيت والنعيم

ونروح نلاقى كوساية واقفة وبتطلع لسانها وتقول ... يا غشيم

احنا شباب الميسد والرنة الخفيفة

احنا شباب رغم الهباب عايشين على دماغنا النضيفة

غلو السجاير ... طب واحنا مالنا .. فلتحيا الكوكو سيجارتنا الضعيفة

احنا اللى بالنهار بنعس على القرش وندوخ وراة ولما الليل يليل تجمعنا قعدتنا اللطيفة

احنا اللى بندوحر مع الدنيا واخدينها عافية وبالدراع برغم اجسادنا النحيفة

احنا اللى لسة بنحب البلد دية برغم مقالبها السخيفة

احنا اللى رغم ثورتنا ما تسعدناش حاجة قد الكلمة اللطيفة

احنا شباب اللى ساعات بنقدر نقف فى الطابور رغم شلاليت الدنيا العنيفة

احنا اللى لفينا البلد شبر شبر رغم الزحام

احنا اللى خلصنا الدموع وخلصنا الكلام

بس لسة مخلصناش الضحك والتريقة والابتسام

مش عايزين غير اوضة باربع جدران .. وشباك وباب

ولمبة نقرا عليها المكتوب فى الكتاب

وعنوان نكتبة فوق ضهر الجواب

عنوانا احنـــا

احنــــــــا الشباب